________________
संवेगरंगसाला
प्रवज्यास्वीकार कालसेनमडम्बे आगमन च।
॥२६६॥
अह भत्तिभरोणयमत्थएण, बंदित्तु तस्स सो चरणे । जिगधम्म सोउमणो, आसीणो भूमिवट्ठम्मि ॥३४१६॥ गुरुणा वि य संसारा-ऽसारत्तपरूवणागुणपहाणो। निव्वाणलाभसारो, कहिओ जिणदेसिओ धम्मो ॥३४१७॥ आयन्निऊण य इम, महन्त जायन्तपवरवेरग्गो। नमिऊण पुणो चलणे, गुरुणो भणिउं समाढत्तो ॥३४१८॥ भयवं! तवचरगविवज्जियाण, अच्चतमोहमूढाण। भवजलहिनिवडियाणं, जीवाणं कामभोगेहि ||३४१९॥ धणसयणाऽऽईएहि, थेवो वि हु जायए न साहारो। मोत्तूणमेकमऽमलं, धम्मं, चिय परभवसहेज ॥३४२०॥ ता जइ पेच्छह मम ।कपि, जोग्गयं देह झत्ति पव्वज। पज्जतदारुणेणं, पजत्तं गेहवासेणं ॥३४२१॥ ता सुत्तुवओगेणं, गुरुणा से जोग्गय मुणेऊण। दिन्ना जिणि ददिकखा, असंखदुक्खोहखयजणणी ॥३४२२॥ तो नायसाहुजणजोग्ग-पवरकिरियाकलावपरमत्थो। अहिगयबहुसुत्तऽत्थो, सो जाओ थेवदियहेहिं ॥३४२३॥ कालक्कमेण य दद, देहाऽऽइसु चत्तपणयभावेण। पडिवन्नो जिणकप्पो, तेण सुहनिप्पिवासेण ॥३४२४॥ जत्थऽथमियनिवासी, सुसाणसुनहररन्नसेवी य। वाउ व्व अपडिबद्धो, अणिययवित्तीए विहरन्तो ॥३४२५।। संपत्तो स महप्पा, तत्थ मडबम्मि जत्थ चिरवेरी। वसति किर कालसेणो, सणि व्व कूरो सहावेण ॥३४२६॥ अह तब्बहिया उस्सग्ग-मुवगतो सो पलोइओ तेण। तद्देसमाऽऽगएणं, पावेणं कालसेणेणं ॥३४२७॥ तो भणिया नियपुरिसा, रे! रे! सो एस वेरिओ मज्ज्ञ । एगागिणा वि जेणं, तइया बद्धो म्हि लीलाए॥३४२८॥ ता संपयं पणासह, सहसा एयस्स पोरुसऽवलेवं। मुक्काऽऽउहो सय चिय, जा बट्टइ एस वीसत्थो ॥३४२९॥
॥२६६॥
