________________
संवेगरंगसाला
आराधनामनोरथः।
॥२६१॥
लडूण वि इह किच्छा, सुदुल्लहं कहवि माणुसं जम्मं । न लहंति परमदुलहं, जीवा धम्मं जिणक्खायं ॥३३५१॥ लद्धे वि तम्मि अविरइ-पिसाइयानिबिडपासपडियाण। दुलहं चिय सामन्न, निस्सामन्नं गुणपहाणं ॥३३५२॥ किच्छेण पाविऊण य, सामन्नं दुल्लहं पि ओसन्ना। सीयंति सायबहुला, पंकोसन्ना गइंद ब्व ॥३३५३।। जह कागणीए हेडं, महग्घरयणाण हारए कोडिं। तह भवसुहप्पसत्ता, सत्ता हारिति मुत्तिसुहं ॥३३५४॥ अहह ! अणिञ्चमऽसारं, परिणामे भंगुरं सरीरमिमं । जीयं जोवणमिड्ढी, पिअसंजोगा सुहं च तओ ॥३३५५।। अइदुलहं मणुयत्त, जिणि दवयणाऽऽयं च सामग्गिं। पप्प पुरिसेण सासय-सुहेएकरसिएण होयव्वं ॥३३५६।। ज अज्ज सुहं भविगो, संभरणीयं तयं भवे कल्लं। मग्गंति निरुवसग्गं, अपवग्गसुई बुहा तेणं । ॥३३५७।। नरविबुहेसरसोकुख, दुक्ख चिय भावओ बुहा नेति । परिणामदारुणमसा-सय च जता अल तेणं॥३३५८॥ सासयसुह' च नियमेण, जिणाऽऽणाऽऽराहणाफल जम्हा। ता तीए उजमिमो, जिणवयणविसुद्धबुद्धीए ॥३३५९।। चिन्न सामन्नेणं, सामन्न एत्तिय मए कालं। अह संपय विसेसा-ऽणुट्ठाणमणुट्ठिमो किंचि ॥३३६०।। पच्छायावपरद्धो, पियधम्मो दोसनिरसणसयन्हो। अरिहइ पासत्थाई वि, ज तयं जइ वि दुस्सीलो ॥३३६१।। निच्च परिगलति बलं, निचं परिगलति पुरिसयारो वि। निच्च परिगलति वओ, निच्च परिगलइ विरियं पि॥३३६२।। निच्चं परिगलइ सुई, निच्च परिगलइ दिद्विसामत्थं । निच परिगलई मई, निच्च परिगलइ आउं पि ॥३३६३॥ ता जाव बलं सन्तं, सन्तं विरिय तहजवि जाव। संतो य परिसयारो, संतो य परक्कमो जाव ॥३३६४॥
॥२६॥
INI
