________________
संवेगरंगसाला
विविधरिष्टैः माणकालज्ञानम् ।
॥२५२॥
तह आउरस्स जस्स वि, गेहे अनिमित्तमेव अइमत्तं। निवडंति भायणाई, भज्जति य सो वि लहु मरइं।।३२३६।। निय नियकरणेहि वि जस्स, सहरसरूवगंधफासाणं। अनिमित्तमाणुवलद्वी, उवलद्वी वा वि विवरीया ॥३२३७।। तह जो वेज्जवरं ओसहं च, अभिणंदई न उवणीयं। तं पि हु नीसंदेह, देहंऽतरपत्थियं जाण ॥३२३८॥ अंजणपुंजपगासं, बिच मयलंछणस्स रविणो य। जो पेच्छइ सो गच्छई, जमाऽऽणणं बारसदिणंऽतो ॥३२३९॥ समहियमुत्तपुरीसो, जो परिमियभत्तपाणभोई वि। १इय विवरीओ जो वा, तस्साऽऽसलं मुणसु मरणं ॥३२४०॥ पुवं सुविणीओ वि हु, सगुणस्स वि जस्स परियणो सहसा। विवरीयं परिचिटई, तं पि वियप्पेसु अप्पाउं॥३२४११॥ न गयणगंग पेच्छई, पेच्छइ य दिवा य तारए जोय। सुरजागविमाणागि य, सो वि समासन्नजमनिलओ।।३२४२॥ एक व दो बहूणि व, रविससि बिबेसु तारएसुं वा। जो पेच्छइ छिड्डाई, जाण तदाऽऽउं वरिसमेकं ॥३२४३॥ उभयकरंऽगुहट्टईय-कन्नकुहरो न निसुणई जो य। नियकन्नाणं घोसं, सो मरई सत्तदिणमज्झे ॥३२४४॥ दाहिणकरनिबिडऽकंत-वामहत्थंगुलीण पव्वग्गा। जस्साऽरुणा न दीसंति, तस्स वि जाण लहु मरणं ॥३२४५॥ मुहदेहवणाईसुं, अईव इट्ठो दढ अणिट्ठो वा। जस्सुच्छलई अहेऊ, गंधो सो वि हु लहुं जाई ॥३२४६॥ जायई मुगालसीयल-मंगमऽकम्हा सउम्हमावि जस्स। जमरायरायहाणी-पंथपयट्टो लहु सो वि ॥३२४७॥ पस्सेयहेउगेहे, होउं निच निएज्ज नियभाल। जई ता न हाइ २सेओ, ता जाण जहाऽऽगओ मच्चू ॥३२४८॥
१ एत माद् विपरीतः। २ स्वेदः ।
॥२५२॥
