________________
संवेगरंगसाला
स्वराज्ये तीर्थदर्शनेन धर्मप्रशंसा लोकानां धर्मप्राप्तिश्च ।
॥१७२॥
तस्स सए च्चिय देसे, जिणिन्दबिंबाई बदमाणस्स । होज अणिययो विहारो, परदेसे विग्यसब्भावा ॥२१८८।। तहाहिकैरडिघडुब्भडसुहडोह-तुरयरहवृहपरिखुडे तम्मि । परदेसेसु वि तित्थाई, बंदिउं संपयट्टम्मि ॥२१८९॥ रजाऽवहारमाऽऽसंकिऊण, पडिनरवई पकुष्पेजा । हीरेज व तद्देसो, पडिरिउणा सामिरहिओ त्ति ॥२१९०॥ तम्हा भत्ते गुणसंगयम्मि, सत्थऽत्थबोहकुसलम्मि । मंतिम्मि रजभारं, आरोविय अप्पतुल्लम्मि ॥२१९११॥ साहियजेयव्वगणो, सुत्थीकयमण्डलो महाकोसो । नियनियनियोगसुनिउत्त-भत्तिमन्तप्पहाणजणो ॥२१९२॥ अच्चंतपवरपूया-पुरस्सरं लोकपीडमकरेंतो । जिणभवणाई वन्देज, निययदेसे च्चिय नरिंदो ॥२१९३॥ अह तं अदुट्ठदोघट्ट-घट्टपद्धिरायपहपसरं । सहरिसहरिहेसाऽऽरव-खरखुरवभरियनहविवरं ॥२१९४|| पम्मुक्कहक्कपोक्कार-घोरपाइक्कचक्कपरिकिन्नं । पउरसियछत्तछाइय-दिणयरकरपंहकराऽऽभोग ॥२१९५॥ नियदेसट्ठियजिणभवणाण, पेच्छणं आयरेण कुणमाणं । दटुं धम्मपसंसं, के के मणुया न कुव्वंति ॥२१९६॥ के वा उत्तमजणपूइयं ति, सोमं ति मोक्खहेउ ति। विमंसिऊण जिणधम्म-मेक्कचित्ता न गेण्हंति ॥२१९७।। एवं च सो महप्पा, संपाइयपवरधम्मकायव्यो । कइया वि विसयनिंदं, करेइ जिणभणियनीईए ॥२१९८।। कइया वि महामुणिपवर-चरियमेगग्गमाणसो सुणइ । कइया वि मंतिसामन्त-संगओ कुणइ जणचिन्तं ॥२१९९।। 'धम्मविरोहं कइया वि, पेच्छिउँ सबहा निरंभेइ । कइया वि निययपरियण-मुवउत्तो एवमुल्लबइ ॥२२००॥ १ करटिर- एली. २. भदाति 3.hte.
॥१७२॥
