________________
संवेग
16
रंगसाला
अनियतविहारकरणे गुणाः ।
॥१६८॥
सल्लं उद्धरिउमणो, संवेगुव्वेयतिव्वसद्धाए । जं जाइ सुद्विहे, सो तेणाऽऽराहओ होइ ॥२१३७।। एवं तवस्सिणो वि हु, आलोयणपरिणयस्स इन्तस्स । गुरुणो व अप्पणो वा, वियलत्ते होज संसोही ॥२१३८॥ अहवा साहुगिहीण, दोण्ह वि साहारणे गुणे पायं । अणिययविहारजणिए, सवन्नुमए इमे सुणह ॥२१३९॥
दंसणसोही १ थिरकरण, २ । भावणा ३ अइसयऽत्थ ४ कुसलत्तं ।
५ जणवयपरिक्खणा वि य ६। अणिययवासे गुणा होति ॥ [दारगाहा ॥२१४०।। निकखमणनाणनिव्याण-ठाणचिइचिन्धजम्मभूमीओ । पेच्छंतो उ जिणाणं, सुविसुद्धं दसणं कुणइ [दारं] ॥२१४१।। संवेग संविग्गाणं, जणइ इय सुविहिओं सुविहियाण । अथिरमइणं च पुणो, जणेइ धम्मम्मि थिरीकरणं ॥२१४२।। संविग्गपरे पासिय, पियधम्मपरे यत्रजभीरू य । सयमवि पियथिरधम्मो पायं विहरंतओ होइ दारं] ॥२१४३॥ चरिया छुहा य तण्हा, सीयं उण्डं च भावियं होइ । अहियासिया य सेजा, सम्मं अणिययविहारेण [दारं] ॥२१४४॥ सुत्तऽत्थथिरीकरणं, अइसइयऽत्थाण होइ उवर्लभो । अइसइयसुयहराणं, पलोयणे विहरमाणस्स दारं] ॥२१४५।। निक्खमणपवेसाईसु, आयरियाणं च बहुपयाराणं । सामायारीकुसलो, जायति.गणसंपवेसेण दारं] ॥२१४६॥ साहूण सुहविहारो, निरवजो जत्थ सुलहवित्ती य । तं खेत्तं विहरंतो, नाही आराहणाजोग्गं ॥२१४७॥ एमाइयं गुणगणं, समीहमाणेण साहुणा निच्च' । अणिययविहारचरियाए, वट्टियव्वं सइ बलम्मि ॥२१४८।। जो पुण रसाऽऽइगिढी-वसेण बलवं पि इह पमाएज । न स केवलं मुणीहि, मुंचेञ्ज गुणेहि वि अवस्सं ॥२१४९।।
॥१६॥
