________________
संवेगरंगसाला
गृहगमनं भाभ्रिमण भगिनीविनाशः मित्रतिरस्कार
श्च।
॥१५८॥
मन्ने इंतं में पेच्छिऊण, पावा घरं गया तुरियं । इय बुद्धीए तओ सो, वेगेण गिहुम्मुहो चलिओ ॥२००४॥ अह पबलकोवविवसो, जा पत्तो निययगेहदारम्मि । ताव य सरीरचिन्तं, का गेहम्मि पविसंती ॥२००५।। दिट्ठा नियगा भगिणी, भज त्ति वियाणिऊण तो तेण ।आपावे ! मज्झ गिहे, दुस्सीला वि हु कहं विससि ॥२००६।। कूड विउसं ति मं दृसिऊण, पुरओ विडस्स रमि च । तेण सह सहरिसं आग-यासि इय उल्लवंतेण ॥२००७॥ हा हा किमेवमेयं, को एसो कि मए कयमऽकज । इइ पुणरुत्तं बहुजं-पिरी वि अच्चन्तकोववसा ॥२००८।। अवियाणित्ता तह तेण, जट्ठिमुट्ठीहिं निठुरं पहया । सा मम्मपएसम्मि, जह मुक्का जीवियब्वेण ॥२००९।। अह अणुमग्गेणं चिय, समागएणं समित्तवग्गेण । पडिसिद्धो सविसेसं, कुद्धो तत्तो इमं भगइ ॥२०१०॥ रे पावा ! तुम्हाणं, भेएणं नूणमेरिसमकज । मह भजाए कीरइ, तेणं तुम्भे ममं खलह ॥२०११। नडपेच्छणए वि धुवं, एत्तो चिय अहमणिच्छमाणो वि । नीओ तुम्हेहि इमीए, कजनिविग्यसिद्धिकए ॥२०१२।। कित्तिममेत्तीजुत्ताण, होज अहवा न किचि वि अकिच्छ । परिचयह दुट्ठसीला! , ता एत्तो मज्झ चक्खुपहं ॥२०१३॥ एवं वसुदत्तेणं, अलीयकुवियप्पवाउलमणेण । निदोसा वि हु ते तजि-या तहा जह गया सगिहं ॥२०१४॥ कोलाहलं च सोचा, समागया मन्दिगओ से मजा । दट्टूण वइयरमिम, एवं भणि पवत्ता य ॥२०१५।। हा हा निग्धिण! निल्लज-ऽणज ! कि हणसि अपणो भइणि । जेणेवंविहपावं, सोबाँगा वि हुन कुबंति ॥२०१६।। एवं तीए वुत्तो, पुरलोगेण वि य निन्दिओ संतो । सो चिन्तेइ पुणो वि हु, अणप्पकुविगप्पविहुरमणो ॥२०१७॥
॥१५८॥
