________________
संवेगरंगसाला
ललनाऽङ्गानां मोहकरत्वत्यागेउपदेशः।
॥१४७॥
अंतो सकम्मनिगडा-ऽवबद्धजीवे य गुत्तिगेहे व । दुक्खाणुभवगठाणे, मण ! कुण काए वि मा मोहं॥१८६१॥ सच्चित्तपमुहदव्वाइ-विसयपडिबन्धनिबिडतंतूहि । अप्पाणमप्पणो चेव, चित्त ! निच्चं पि हु समता ॥१८६२॥ गाढं परिवेढंतस्स, तुह कह कोसियारकिमिणो व्व । मोक्खो पुणो वि होही, हे मूढ ! इम पि चिन्तेसु ॥१८६३॥ इंदियगझं जं किश्चि, कत्थई एत्थ अस्थि वत्थु नतं । थिरमह तत्थ विजइ रमसि, मण! तुम चेव ता मूढं ॥१८६४॥ एकं निययाऽणुभवा, बीयं पुण जिणवरिंदवयणाओ । करिकलहकन्नपाली-तरलतरत्तं खु पयईए ॥१८६५।। संसारसमुत्थसमत्थ-वत्थुसत्थस्स मण ! मुणित्ताणं । मा पडिबन्धं बंधसु, खणमेतंपि हु तुम तत्थ ॥१८६६॥ किंचनिस्सारे संसारे, सारो सारंगलोयणा चेव । इय कुब्भममइरामत्त-चित्त ! तुह निव्वुई कत्तो ॥१८६७॥ एत्थ परत्थ व जम्मे, जंतूणं जाणि तिक्खदुक्खाणि । ताण न निमित्तमऽन्नं, मोत्तूणं मण! मयच्छीओ ॥१८६८।। मुहमहुरत्तं पजंत-दारुणत्तं च पेच्छिऊण विही । पलियच्छलेण मन्ने, जुबईण सिरे खिवइ छारं ॥१८६९॥ तहापप्फुल्लाणि वि सुविसाल-नेत्तपत्तोवसोहियाणि वि । लायण्णजलदाणि वि, अलया लिकुलाउलाणि वि ॥१८७०॥ पसरतपरिमलाणि वि, असरिसरूवसिरिपरिंगयाई पि । मयपरवसलीलाऽलस-विलासिणीवयणकमलाणि ॥१८७१॥ आवायमेत्तसुहदाय-गाणि होऊण किपि ताई पि । हे मणमहुयर ! बंधाय, तुज्य होहिन्ति पज्जते ॥१८७२॥
॥१४७॥
