________________
संवेगरगसाला
मन उद्दिश्यउपदेशः।
॥१४३॥
मित्ताऽमित्तेसु समा, चित्तपवित्ती जया य तुह होही। लहिहिसि तं तइय चिय, सुहमऽवगयसयलसंतावं ॥१८०८॥ नरयतिदिवेरिमित्ते, भवमुक्खे दुहसुहे तणमणीसु । जइ लेढुकंचणेसु य, सममऽसि ता मण ! कयर्थमऽसि ॥१८०९॥ दुव्वारमिमं मच्चु, पच्चासन्नीभवन्तमऽणुसमयं ! हे हियय ! चिंतसु तुमं, कि सेसवियप्पजालेण ॥१८१०॥ हे हियय ! चिन्तसि तुमं, नाऽणजजराए जजरिजंतिं । नियतणुकुडि पि एयं, अहह महामोहमहिमा ते ॥१८११।। जत्थ जरमरणदारिद्द-रोगसोगाइदुहगणो लोए । तत्थ वि कहं तुमं मूढ-हियय ! न विरागमुबहसि ॥१८१२॥ जीयं पि तणुम्मि गयाऽगयाई, सासच्छलेण कुणमाणं । किन मगो ! मुणसि जेणं, चिट्ठसि अजराऽमरं व तुमं ॥१८१३।। सह रागेण मण ! तुम, सुहामिमाणाउ भमडियं सुइरं ।चय तं भय तदुवसमं, ईयाणि जं मुणसि सुहभेयं ॥१८१४।। अविवेयत्ता बालत्तणम्मि, वियलत्तणाउ वुड्ढत्ते । मण ! धम्मचित्तविरहे, बहू वि विहलो नरभवो ते ॥१८१५।। मयरद्वएकमित्तं, कुगइमहादुकवंसंततिनिमित्तं । विसयाणुगामिचित्तं, मोहुप्पत्तीए हेच ॥१८१६॥ अविवेयविंडविकंद, चन्दणरुकूखो व्व दप्पसप्पस्स । नीरंधमेहपडलं, सन्माणमयंकबिबस्स ॥१८१७॥ तारुणं पि हु तुह मण !, उम्मायपरस्स निच्चकालं पि। सव्वाऽणत्थकए चिय, न धम्मगुणसाहगं पायं ॥१८१८॥ एयं कयं इमं पुण, करेमि काहं इमं च गिहकिच्च । इय आउलस्स तुह हियय!, वासरा जंति अकयत्था ॥१८१९॥ वीवाहिया न दुहिया, न पाढिओ बाढमेस बालो वि।तं तं च किंचि वि महं, अजविकजन सिद्धं ति ॥१८२०॥ अज्ज इमं काहमऽहं, इमं च कल्लम्मि किर करिस्सामि । एयं च तम्मि दियहे, पक्खे वा अहव मासंते ॥१८२१॥
॥१४३॥
