________________
संवेगरंगसाला
अनुशासनद्वारे हृदयमुद्दिश्य शिक्षा।
॥१४२॥
जओपोयवहणं व चित्तं, चिन्तासागरगयं परिभमंतं । अन्नाणपवणपेल्लिय-विसोत्तियावीइहम्मतं
॥१७९५॥ पडियं मोहावत्ते, कह लग्गेजा समाहिवरमग्गे । जइ जाएज न सम्मं, अणुसासणकन्नधारो से ॥१७९६॥ दोसाण नासणं गुण-पयासणं ताऽणुसासणं एत्तो । चित्तस्स वुच्चइ तयं, एवं सुसमाहिओ कुजा ॥१७९७।। हं भो! चित्त ! विचित्तं, चित्तं व तुम पि वहसि बहुभावे । किंतु परतंतेहि, मोहेइ तुमं तु अप्पाणं ॥१७९८॥ सइ रुइयगीयनच्चिय-हसियाऽऽइवियारओ जणं दर्छ । मत्तं व हियर्य ! तह तं, वट्टसु जह नाऽसि हसणीयं ॥१७९९॥ मोहभुजंगमदटुं, सुविसंथुलचेट्ठियं जयमसंतं । किन पुरत्थं पेच्छसि, विवेयमंतं न जं सरसि ॥१८००॥ चित्तचपलत्तणेणं, रसायलं विससि जासि गयणं पि। भमसि दिसिमंडलाणि वि, असंगयं पुण न तं फुससि ॥१८०१॥ जम्मजरमरणसिहिणा, भवभवणे सव्वओ पलितमि । नाणोदहिमऽवगाहिय, सुत्थत्तं लहसु हियय ! तुमं ॥१८०२।। हियय ! तुमे एस कओ, भववासणवागुराए महबन्धो । ता तह पसिय इयाणि', जह तविगमो लहु होइ ॥१८०३॥ किं चित्त ! चिंतिएहि, विहवेहिं अत्थिरेहि अह न तुहं । तत्तण्हाऽवगमोता, संतोसरसायणं पियसु ॥१८०४॥ हे हियय ! भवसरूवं, पुत्तकलत्ताऽऽइवइअरविचित्तं । चिन्तेसु इंदजालं ति, जइ सुहं महसि अवियारं ॥१८०५।। भववणगयम्मि सारंग-गहणपडुयम्मि कामगुगकूडे । हिययगयमऽप्पयं कि नो, कासि जं तुह सुहमरट्टो ॥१८०६।। भवपभवे जइ दुक्खे, तुज्झ पओसो सुहे य मणवंछा । ता तह कुण जह न सिया, तं तं च भवे जह अणतं ॥१८०७।।
॥१४२॥
