________________
संवेगरंगसाला
विद्यया प्राणकृतं फलग्रहणम् स्तेनशुद्धये अभयाय आदेशः।
॥१२९॥
परिपकंऽवयफलदोहलो य, तीए निवेइओ ताहे। पाणाऽहिवेण भणियं, चूयफलाणं अकालोऽयं ॥१६३०॥ जइ वि हु तहावि कत्तो वि, सुयणु ! संपाडिमो थिरा होसु । निसुओय तेण रन्नो, सव्वोउयफलदुमारामो ॥१६३१॥ तं चाऽऽराम बाहिट्ठिएण, पेहंतएण पक्कफलो । दिट्ठो अंबयसाही, ताहे जायाए रयणीए
॥१६३२॥ ओणामणीए विजाए, साहमोगामिऊण गहियाई । अम्बयफलाई पुणरवि, पच्चोणामणिसुविजाए ॥१६३३।। साहं विसजिऊणं, समप्पियाई पियाए हिटेण । पडिपुन्नदोहला सा, गम्भं वोढुं समाढत्ता ॥१६३४॥ अह अवरावरतरुवर-पलोयणं राइणा कुणंतेण । पुचदिणदिवफलपडल-वियलमवलोइउं चूयं ॥१६३५॥ भणिया रकखगपुरिसा, रे! केणेसो विलुत्तफलभारो । विहिओ ति तेहिं वुत्तं, देव! न तावेत्थ परपुरिसो॥१६३६॥ नूणं पविट्ठो न य नीहरंत-पविसंतयस्स वि पयाणि । कस्स वि दीसंति मही-यलम्मि ता देव ! चोञ्जमिणं ॥१६३१॥ जस्साऽमाणुससामथ-मेरिसं तस्स किपिऽकरणिज । नत्थि ति य चिंततेण, राइणा सिट्ठमऽभयस्स ॥१६३८॥ एवंविहऽत्थकरण-खमं लहुं लहसु पुत्त ! चोरं ति । जह हरियाई फलाई, तहऽन्नया दारमऽवि हरिही ॥१६३९॥ भूमियलनिलीणसिरो, महापसाओ त्ति जंपिउ' अभओ । तियचच्चरेसु चोरं, निरूविउं बाढमाऽऽढत्तो ॥१६४०॥ वोलीणाई कइवयदिणाई, पत्ता न तप्पउत्ती वि । चिंतावाउलचित्तो, ताहे अभओ ददं जाओ ॥१६४१॥ पारद्धमऽनदियहे, नडेण नयरीए बाहि पेच्छणयं । मिलिओ पउरनरगणो, अभएण वि तत्थ गंतूणं ॥१६४२।। भावोवलकरखणट्ठा, पयंपियं भो जणा! निसामेह । जाव नडो नागच्छइ, ताव ममऽकूखाणयं एकं ॥१६४३॥
॥१२९॥
