________________
संवेग
रंगसाला
Kा जिनपूजागुरुपतिलाभन
भोजनव्यवहारादिविधिः।
॥१२२॥
तो साहुसमीवम्मि, गंतुं किइकम्मपुव्वगं सम्मं । कुजा पञ्चकूखाणं, खणं च जिणवयणसवणं च ॥१५४०॥ भत्तीए तहा काउ', बालगिलाणाइगोयरं पुच्छं । तकिच च समग्गं, संपाडेजा जहाजोग्गं ॥१५४१॥ अणइकमणेण कुलक्कमस्स, लोगाऽववायविरहेण । तत्तो वित्तिनिमित्त, ववहारमऽणि दियं कुजा ॥१५४२।। भोयणकाले य गिहं, आगम्म चउव्विहाए पूयाए । १पुष्फाऽऽमिसवत्थेहि', थोत्तेहि य भावसारेहिं ॥१५४३॥ संपूइऊण विहिणा, जिणबिंब तयणु साहुमूलम्मि । गंतूण भगइ एवं, अणुग्गहं कुणह मे भंते ! ॥१५४४॥ असणाऽऽईदव्याणं, गहणेण भवाऽवडे निवडियस्स । जयजीववच्छलेहि', दिजउ हत्थावलंबो मे ॥१५४५।। संपट्टियसंघाडग-पट्ठिठिओ जाइ जाव नियदारं । एत्थंतरमऽन्ने वि हु, गिहटिया अभिमुहा इंति ॥१५४६॥ वंदंति य तो सड्ढो वि, जायसइढो पमजिपाए । दाऊण आसणं कुणइ, संविभागं जहाविहिणा ॥१५४७॥ वंदणपुव्वं अणुगच्छिऊण, तत्तो गिहे समागम्म । भुंजाविय जणयाई, चिंतिय गोणाइ २पेसाई ॥१५४८।। देसंऽतराऽऽगयाणं, चितं काऊण सावगाणं पि । पडियग्गिउ गिलाणे, ताहे उचियप्पएसम्मि ॥१५४९।। उचियाऽऽसणोवविट्ठो, पञ्चकूखाणं च सरिय जहगहियं । कयपंचनमोकारो, सुसावगो तयणु भुंजेला ॥१५५०॥ भोत्तूण तओ विहिणा, पुरओ घरचेइयाण ठाऊण । तव्वंदणं करित्ता, पच्चकखइ दिवसचरिमाऽई ॥१५५१॥ खणमेत्तं सज्झाय, अपुव्वपढणं च किचि काऊणं । पुणरवि वित्तिनिमित्त, ववहारमऽणि दियं कुजा ॥१५५२॥ १ पुष्पनैवेद्यवस्त्रैः। २ प्रेष्यादीन् ।
||१२२॥
