________________
संवेगरंगसाला
कुक
पर्वतकनृपकन्यायाः आगमनं राधावेधवृत्तान्तश्च।
॥११०॥
इय ताहिं फरुसवयणेहि, तजिएणं उवेहिया गुरुणा । अञ्चन्तमहामुक्खा, जाया ताहे नरिंदसुया ॥१३८३।। राया वि वइयरमिमं, अयाणमाणो मणम्मि चिन्तेइ । अचंतकलाकुसला, मम चेव सुया परं एत्थ ॥१३८४॥ सो पुण सुरिंददत्तो, कलाकलावं अहिन्जिओ सयलं । अगणे तो समवयचेड-स्वविहियं पि पच्चूहं ॥१३८५।। अह महुराए नयरीए पव्वयगनराहिवो निययधूयं । पुच्छइ पुत्ति ! तुह वरो, जो रोयइ तं पणामेमि ॥१३८६।। तीए पयंपियं ताय !, इंददत्तस्स संतिया पुत्ता । सुव्वंति कलाकुसला, सूरा धीरा सुरूवा य ॥१३८७।। तेसिं एक सुपरिक्खिऊण, राहापवेहविहिणाऽहं । जइ भणसि ता सयं चिय, गंतूण तहिं वरेमि त्ति ॥१३८८॥ पडिवन नरवइणा, ताहे पउराए रायरिद्वीए । सा परिगया पयट्टा, गंतुं नयरम्मि इंदपुरे ॥१३८९॥ तं इति सोऊणं, तुठेणं इंददत्तनरवइणा । कारविया नियनयरी, उन्भवियविचित्तधयनिवहा ॥१३९०॥ अह आगयाए तीए, दवाविओ सोहणो य आवासो । भोयणदाणप्पमुहा, विहिया उचिया पवित्ती वि ॥१३९१॥ विनतो तीए निवो, राहं जो विधिही सुओ तुज्झ । सो च्चिय मं परिणेही, एत्तो च्चिय आगयाऽहमिहं ॥१३९२।। रना भणियं मा सुयणु!, एत्तिएणावि तं किलिस्सिहसि । एक्केवपहाणगुणा, सव्वे वि सुया जओ मज्झ ॥१३९३॥ उचियपएसे य तओ, सव्वेयरभमिरचकपतिल्लो । सिरिरइयपुत्तिगो लहु, महं पइट्ठाविओ थंभो ॥१३९४॥ अक्खाडओ य रइओ, बद्वा मंचा कया य उल्लोया । हरिसुल्लसन्तगत्तो, आसीणो तत्थ नरनाहो ॥१३९५॥ उवविट्ठो नयरिजणो, आहूया राइणा निययपुत्ता । वरमालं घेत्तणं, समागया सा वि रायसुया ॥१३९६॥
॥११॥
