________________
संवेगरंगसाला
ज्ञान| माहात्म्यम्।
॥१०७॥
सज्झायभावणाए य, भाविया हो ति सव्वगुत्तीओ । गुत्तीहिं भावियाहिं', मरणे आराहओ होइ [दारं] ॥१३४५॥ आयपरसमुत्तारो, आणावच्छल्ल दीवणा भत्ती । होइ परदेसियत्ते, अयोच्छित्ती य तित्थस्स ॥१३४६।। अन्नं चउवएसमंतरेण वि, कामऽत्थे कुसलो सयं लोगो । धम्मो उ गहणसिकख, विणा न ता तीए जइयव्वं ॥१३४७।। अत्थाऽऽइसु अविहीए, तदभावो चेव जइ परनराणं । रोगचिगिच्छाहरणा, धम्मे अविही अणत्यकए ॥१३४८॥ ता निच्च धम्मऽत्थी, जत्तपरो होज गहणसिक्खाए । निम्मोहं धम्मिजणे, पवित्तिहेऊ तदुजोओ ॥१३४९॥ नाणं चितारयणं, नाणं कप्पडुमो परो लोए । तह सव्वगयं चक्खू, धम्मस्स य साहणं नाणं ॥१३५०॥ जस्सेह न बहुमाणो, अफल च्चिय तस्स धम्मकिरियाऽवि । पेक्खणगेकखणकिरिया, जह जच्च धस्स लोयम्मि ॥१३५१।।
अन्नं च विणा नाणं, जो बट्टइ कामचारओ किच्चे । लहइ न तस्सिद्धिं सो, न सुहं न परं गई वावि ॥१३५२।। - इय मोत्तण पमायं, पढम चिय कजसाहणमणेण । सम्मं सया वि जत्तो, कायब्वो नाणगहणम्मि ॥१३५३॥
अन्नं च पत्थुयऽत्थे, एत्थं नीसेसनयमयाणं पि । संगाहिणो नया दोन्नि, नाणकिरियामिहाणाओ ॥१३५४॥ तत्थ किर नाणनयमय-मेयं जं सव्वहा वि कजत्थी। गहणसिक्खाए च्चिय, जएज सम्म सइ तहाहि ॥१३५५।। हेओवाएयऽत्थे, विनाए चेव गहणसिक्खाए । सम्मं बुहेहिं जइयव्वं, अन्नहा फलविसंवाओ ॥१३५६।। फलसाहणेकहेऊ, सबाण चिय नराण नो किरिया । मिच्छानाणपबत्ताण, फलविसंवायभावाओ ॥१३५७॥
॥१०७॥
