________________
संवेगरंगसाला
ग्रहणशिक्षायाः माहात्म्य गुणाश्च ।
॥१०६॥
मुहपरिणईसु महुरं, पमायदढसेलवजऽमणवज । जरमरणरोगपसमण-मणहारिरसायणविहाण, ॥१३३२॥ जिणवयणं पढम सुद्ध-मविकलं सुत्तओ पढेयव्वं । पच्छा सुसाहुपासे, सोयव्वं अत्थओ सम्मं ॥१३३३॥ पढिय-सुणियं पि एक्कसि, जत्तेण पुणो पुणो हु पेहेजा । आजम्ममऽप्पणो तयणु-बंधथिरीकरणहेउ त्ति ॥१३३४॥ तं कि पि परमतत्तं, इमं मए पावियं सुपुन्नेहिं । एवं च भावसारं, बहुमन्नेजाऽणवजतं ॥१३३५॥ भई समंतभद्दस्स, तस्स पायडियसुगइमग्गस्स । जिणवयणस्स भगवओ, भवंति जत्तो गुणा एए ॥१३३६॥ "आयहियपरित्रा भाव-संवरो नवनवो य संवेगो । निकंपया तवो भाव-णा य परदेसियत्तं च ॥१३३७॥ नाणेण सव्वभावा, जीवाजीवाऽऽसवाइणो सम्मं । नजति आयहियं, अहियं च भवे इह परे य ॥१३३८॥ आयहियमध्याणतो, मुज्झइ मूढो, समाइयइ पावं । पावनिमित्तं जीवो, भमइ भवसायरमणंतं ॥१३३९॥ जाणतस्सायहियं, अहियनियत्ती य हियपवित्ती य । होइ जओ ता निच्च, आयहियं आगमेयव्वं ॥१३४०॥ सज्झायं कुव्वतो, पंचिंदियसंवुडो तिगुत्तो य ।.संवरइ असुहभावे, रागद्दोसाऽऽइए घोरे दारं] ॥१३४१॥ जह जह सुयमऽवगाहइ, अइसयरसपसरनिब्भरमउव्वं । तह तह पल्हाई मुणी, नवनवसंवेगसद्धाए [दारं] ॥१३४२॥ आयोवायविहिन्न, विजा तवनागदसणचरित्ते । विहरइ विसुद्धलेसो, जावजीवं पि निक्कंपो [दारं ॥१३४३॥ बारसविहम्मि वि तवे, सन्भिन्तरवाहिरे कुसलदिव । नवि अत्थि नविय होही, सज्झायसमं तवोकम्मं दारं ॥१३४४॥ १ विद्वान् ।
॥१०६॥
