________________
संवेगरंगसाला
नृपस्य स्त्रीस्वरूप चिन्तनं
देवीकोपः नृपस्य प्रहारनिषेधध।
॥८४॥
अच्छरियमहो सम्माण-दाणनंदिजमाणहियया वि । नावत्थाणं बंधइ, इत्थी एगत्थ पुरिसम्मि ॥१०५२।। जेण सुकुलुग्गया वि हु, अणुरत्तमगं ममं पि मोतूण । अमुणिजतं पि जणं, कामिउमिच्छइ इमा एवं ॥१०५३॥ धी धी पडिबंधो सव्व-हेव रामासु सुहविरामासु । अहह कहं सुकुला वि हु, विहुरे खिप्पंति एयाहिं ॥१०५४॥ अञ्जवि कोवि सुपुरिसो, एसो चोरो न जो मुयइ मेरं। पत्थिज्जतो वि इमीए, सामभेयाइभणिईहिं ॥१०५५।। अञ्जवि रयणाधारा, धरणी अञ्जवि न एइ कलिकालो । दीसंति जेण एवं-विहाई वरपुरिसरयणाई ॥१०५६॥ जे किर करिकुंभत्थल-मेक्कपहारेण चेव खंडंति । ते वि हु अबलालोयण-सरपहरहया किलिस्संति ॥१०५७॥ एसो य महासत्तो, इमीए इय पत्थिओ वि थेवं पि । सववत्थं नो चूरइ, ता इत्तो होइ दट्ठव्वो ॥१०५८॥ इय जाव निवो चितइ, ताव विणिच्छयकएण देवीए । भणियं कि रे! नियमा, नो काहिसि मज्झ वयणं ति॥१०५९।। तेणाऽवि जापियं सहरि-सेण एवं ति अह परुट्ठोए । वाहरियं देवीए, रे पुरिसा! रायसव्वस्सं ॥१०६०॥ हीरंतं किमुवेक्वह, धावह एसो इहाऽऽवसइ चोरो । इय सोचा सव्वत्तो, समागया जामरक्खभडा ॥१०६१॥ असिचक्कचावहत्था, न जा पहारं कुणंति ता रना । भणिया हंहो ! चोरं, ममं व रक्खेजह इमं ति ॥१०६२॥ अह तेहिं पडिरुद्धो, अखुमियचित्तो महागइंदो व्व । विगमेइ वंकचूली, रयणि करकलियकरवालो ॥१०६३॥ देवीए विहियकोवो, सेजाभवणे गओ य नरनाहो । कह कह वि लद्धनिदो, पासुत्तो पच्छिमनिसाए ॥१०६४॥ अह जायम्मि पहाए, वज्जतेसु पहायतूरेसु । अवसरनिवेयगेणं, पढियमिमं मागहसुएण
॥१०६५॥
॥८४।
