________________
सुरलोयपाडएसुं, वसंति पुन्नाणुभावेण ॥ ९० ॥ भवचकनिवसमाणा वि, कम्मपरिणामनरवइभएण । कंपति जिया सव्वे, पवणुद्धयरुवखपत्तं व ॥ ९१ ॥ ता भो भव्या इय जाणिऊण, मुत्तण कम्मपरिणाम । सेवह चारित्तनिव, अहवा तं बंधुगिहिधम्म ॥ ९२ ॥ जं सो विसुद्धहियएण, सेविओ निययबंधवबलेण । दाविस्सइ सुक्खाई, कश्या वि हु सिद्धिनयरीए ॥ ९३ ॥ इय वयणं जयपहुणो, पाउं सवर्णजलीहिं अमयं व । पावविसपडलरहिओ, जाओ सयलो वि सो लोओ ॥ ९४ ॥ नाउण दुक्खजणगं, भवचकपुरंमि कम्पपरिणामं । चडि विवेयसेले, के वि पवज्जति चारित्तं ॥ ९५ ॥ अवरे य तस्स सेवा-करणे नाऊण अप्पमसमत्थं । मोहविमोहियहियया, सम्म गिन्हति गिहिवम्म ॥१६॥ इत्थंतरंमि सिट्ठी वि, नंदगियारनामओ तत्थ । तेहि समं गिहिधम्म, पडिवज्जइ सामिपासमि ॥ ९७ ।। सामी वि भणइ भव्वा, गिहिधम्मतरू वि पालिओ एसो। अइयारदोसहिमदाह-रक्खिओ बहुफलं जणिही ।। ९८ ॥ अह पणमिऊण सामि, सेणियराया गओ नियावासं । संपत्तनिहाणो इव, साणंदो नंदसिट्ठी वि ॥ ९९ ॥ तो अंतररिउतिमिरं, नासतो वद्धमार्णानणचंदो । विहरइ अन्नत्थ पुरे, बोहंतो भवियकु- * मुयाइं ॥ १०० ॥ नंदमणियारसिट्ठी, तदियहाओवि गहियगिहिधम्मो । बारसण्याइं पालइ, सम्म सुयभणियनीईए ॥ १०१॥ अह बटुंते गिम्हे, फुरंतरवितावतावियनगोहे । नंदो पोसहसालाइ, गिन्हई पोसह विहिणा ॥ १०२ ॥ कुणइ य उववासतिगं, चउन्विहाहारवज्जिओ सम्म । सुहझाणलोणहियओ, सो अइवाहेइ दुन्नि दिणे ॥ १०३ ॥ तो वासरंमि तइए, छुहापिवासाइ अहियमभिभूओ। जिण पम्मगिरिवराओ, पडिओ चिंतामहियलंमि ॥१०४॥ वितइति चिय धन्ना, जयंमि ते पुन्नभायण मणुया । सलहिज्जइ तेसि धणं, जलासए जे करावति ॥ १०५ ॥ केसि चिय धन्नाण, दीसंति महीइ विउलवावीओ । निम्मलजलपुन्नाओ, पुन्नधणाणं निहिसरिच्छा ॥१०६ ॥ जासु पिवासासु सिओ, लोओ पाऊण सीयलं
