________________
एसो तिगुत्तिगुत्तो, निज्जियदंडचओ तिकालविऊ । तिहुयणगुरुत्ति रइय, विमलं छत्तत्तयं उवरि ॥ २७ ॥ एगुच्चिय वीरजिणो, पोओ भवसायरंमि इय कहिउँ | धरणीइ अंगुलीइव, समुज्झि(च्छि)ओ धम्मधयमिसओ ॥२८|| भामंडलं च पिटीइ,निम्मियं रयणकिरणबिंबइयं । वरदंदहीओ तह तत्थ, ताडिया सहरिससुरेहिं ॥ २९ ॥ सक्कीसाणिदावि हु, दोसुवि पासेसु चंदकरधवलं । चालंति चामरजुयं, तह बुट्ठी हवइ कुसुमाण ॥ ३० ॥ पुरओ वि धम्मचकं, पथडियं घटियममलरयणेहिं । तिजयगुरुतेयनिजियसेवागयतरणिबिंब व ॥ ३१ ॥ पुव्विल्लवीयसालंतरंमि, पुव्युत्तरंमि दिसिभाए । देवच्छंदो य कओ, जिणिदविस्सामणकएण ॥ ३२॥ चीइदुमदेवछंदय-सिंहासणछत्तचरपीढाई । जं चन्नं करणिज्ज, कुणंति तं वंतरा तत्थ ॥३३॥ इय कित्तियं कहिज्जइ, रम्मत्तं तस्स समवसरणस्स । जं निम्मिऊण देवावि, विम्हयं किंपि पावंति ॥३४॥ इत्तो य वीरनाहो, सुरनिम्मियकणयकमलपंतीए । नवणीयकोमलाए, ठावतो चारुचरणजुयं ॥ ३५ ॥ पणमिजतो सायर-नरनिरखयरसुरसमूहेण । सुरवइदंसियमग्गो, पुव्वदुवारेण पविसेइ ॥३६॥ काउं पयाहिणतिगं, सपीढचेइयदुमस्स वीरजिणो। पुन्वाभिमुहो निसीयइ, "नमुत्थु तिथ्यस्स" इय भणिरो ॥ ३७॥ सिंहासणोवविटे, वीरजिणिदे दिसासु सेसासु । तप्पडिरूवे रुवे, तियसा कुव्वंति तिन्नि तहिं ॥ ३८ ॥ | तेसिं च जिणाइसया, हवेइ रुवं जिणिंदसारिच्छं । अह चउरूवो जाओ, एगो वि हु वीरजिणनाहो ॥ ३९ ॥ तं पणमिऊण
देवा, के वि हु गायंति के वि नच्चति । फालिंति के वि तिवई, कुणंति जिणसंथवं के वि ॥ ४० ॥ रंभापमुहाउ विला-सिणीउ | संगीयकरणनिउणाओ । पयडियभावाभिणयं, हरिसियहिययाउ नचंति ॥ ४१ ॥ अह मुणि १ वेमाणित्थी २-समणीओ ३ पविसिऊण पुच्चाए । दाउं पयाहिणतिगं, अग्गेयदिसिम्मि उवविट्ठा ॥४२॥ जोइसिय ४ भवण ५ बंतर-६ देवीओ दक्खिणाइ पविसित्ता । नेरइए दिसिभाए, सामि पणमिय निसीयंति ॥ ४३ ॥ पच्छिमदिसाइ पविसिय, भवणवई ७ वंतरा य
SAR
