________________
NEERINGULASSENC4%
|॥ ३३ ॥ जा दूरं संपत्ता, ता थेरो भणइ भो तुमं किंपि । पिक्खसि पुरओ स भणइ, अइकसिण किंणि पिक्खामि ॥ ३४ ॥ | निज्जामएण भणियं, इह चिटइ भद्द ! पव्वओ गरुओ । अंजणगिरिच पक्ख-च्छेयभएणं जलहिलीणो ॥ ३५ ॥ अत्थि नियंबे एयस्स, एस वडपायवो बहलपत्तो। आलिंगइ जो गयण, भुयदंडेहिं व साहाहिं ॥ ३६ ॥ तस्स य वडस्स हिट्ठा, चिट्ठइ वलयामहो महावत्तो। पवहणवाहिजणाणं, कयंतवयणं व भयजणगो ॥ ३७॥ तत्थ पडियं महायस !, जलनिहिकल्लोलमालियाभमिरं । फुट्रिस्सइ बोहित्थं, महिलाजणकहियमंतं व ॥ ३८ ॥ कह जाणसि निजामय !, सव्वन्नुनिवेइयं व अत्थमिमं ? । सो जंपइ देव ! अहं, धीवरसत्थाण पारीणो ॥ ३९ ॥ गिरिदंतचित्तआवत्त-पच्छअंजणपहाइठाणाई । जलनिहिगयाई जाणेमि, सव्वओ निययनामं व ॥ ४० ।। अह भणइ सुन्नयारो, मरणब्भयभमिरलोयणो सहसा । कूवे खिविऊण धुवं, मूढ ! वरत्ता तए छिन्ना ॥४१॥ गहिऊण तत्थ कणयं, उवयारो एस मह कओ तुमए । जेण अहं एगागी, खिविओ मज्झमि जलनिहिणो ॥ ४२ ॥ निजामएण भणियं, कायरपुरिसुव्व मा भयं कुणसु । जीवियलयाइ मूलं, इत्थ उवायं तुह कहेमि ॥ ४३ ॥ जा वच्चइ वहणमिम, वडहिट्ठा ता तुमं समुप्पइओ। साहामिउव्व एयस्स, गरुयसाहाइ विगलिजा ॥४४॥ तत्थ दुजीहा दुमुहा, विभिन्नफलभोइणो महाकाया । एगोयरा तिचरणा, भारुडा भद्द ! एहिति ॥४५॥ तत्तो संज्झासमए, पुवाए पंचसेलदीवाओ। जे इंति तहिं ते खलु, खलुव्व दूरेण चइयव्वा ॥४६॥ जे पुण पच्छिमदीवाउ, इंति निच्चपि तत्थ भारुंडा । ते पंचसेलदीवं, गच्छंति पभायसमयंमि ॥४७॥ भेयव्वं न हु तेर्सि, अदिद्वपुव्वाण दंसणेणावि । जम्हा बहुबलकलिया, अजीवघाईय ते हंति ॥ ४८ ॥ तेसि मज्झिल्लपए, गाढं बंधियपडंमि अप्पाणं । विलगिज्जसु तो अइरा, जासि तुम पंचसेलमि ॥४९॥ ता देव ! पंचसेल, उवायकहणाउ पाविओ तं सि । वुत्ताउ अहं पुण, आगंतुं नेव सक्केमि ॥ ५० ॥ इत्थेव सस्णरहिओ,
