________________
धर्मविधि ॥९२॥
35513445
तस्स य सत्त सुयाओ, इमाउ जक्ख त्ति जक्खदिन्ना य । भूया य भूयदिना, ए(से)णा रेणा तहा वेणा ॥ २५॥ तासि जिट्ठा प्रकरणम गिण्हइ, इगवारुतं तहावराओऽवि । दुतियावारक्कमओ, जा सत्तहि सत्तमी भणइ ॥ २६ ॥ अह बीयदिणे ताओ, नीयाओ नियसुयाउ निवपासे । जवणीअंतरियाओ, निवेसियाओ य सचिवेणं ॥ २७ ॥ तत्थ (य) अट्ठहियसए, पढिए कव्याण तत्थ वररुइणा । पभगति जहाकमसो, मंतिमुयाओऽवि तह चेव ॥ २८ ॥ तो नंदनिवो रुट्ठो, तं दाणं नेव देह वररुइणो । जं सचिवकओवाया, अणुग्गहे निग्गहे य खमा ॥ २९ ॥ अह वररुइणा गंतुं, जंतं गंगाजलंमि संठवियं । तम्मज्झे अद्वत्तर-दीणारसयस्स गंठी य ॥ ३० ॥ तो दिवसमुहे गंगं थोउं जंतं पएण अक्कमइ । तत्तो ते दीनारा, उप्पइय पडति तस्स करे ॥३१॥ सो कुणइ निश्चमेवं, तओ जणो विम्हिओ पसंसेइ । रायाऽवि जणसुईए, तं सोउं मंतिणो कहइ ॥ ३२ ॥ जइ सच्चमिम चिटइ, ता कल्ले देव ! तंपि पिक्खामो । इय मंतिणो गुरुस्स ब, तं वयणं मन्नइ तहेव ॥ ३३ ॥ सिक्खं दाऊण चरं, संझासमयम्मि पेसए मंती । सो सरवणे निलीणो, रहिओ पक्खिव्व पच्छन्नो ॥ ३४ ॥ अह वरईवि तइआ, छन्नं गंगाजलंमि गंतूण । दीणारटुत्तरसय-गठिं निसिउं गओ सगिहे ॥ ३५ ॥ महिमं व तस्स तसो, तं गठिं गिहिउं चरो सोऽवि । सचिवस्स सिग्यमप्पइ, लंचादव्वं व एगते ।। ३६ ॥ अह तं गिहिय गंठिं, मंती सह निवइणा पभायंमि । गंगं पत्तो तत्थ य, निच्चठिईए वररुईवि ॥ ३७॥ थुइअंते तं जंतं, चालइ चरणेण वररुई नवरं । अप्पुनस्स निही इव, न चडइ हत्यमि सो गंठी ॥ ३८ ॥ तो वररुई गवेसइ, तं गठिं पाणिणाऽवि पाणीए । अलहंतो जाव ठिओ, घट्ठो धुत्तु व्व मोणेण ॥ ३९ ॥ अह भणियममच्चेणं, किं ते गंगा न देइ ? भो विप्प ! । नासीकयपि दव्वं, पुणों पुणो जं निरक्खेसि ।। ४० ॥ तो हसिऊणं सचिवो, अप्पइ से पुच-18
॥९२॥
5454540455
