________________
तस्स सुस्सरत्ता - तिसवणं रंजिया जना सव्वे । चिठ्ठति पहे उडा घरिया इव निवइआणाए || २५ || अन्नन्नवन्नसंवेह - मणहरं मोहण पर्णपि । तग्गीयं सोऊणं, चिंता सा देवदत्ता वि ॥ २६ ॥ अहह अउब्वो सदो, अउव्वभासा अउब्वआलत्ती । अगामाय गामे, किं दिव्बो कोवि एस नरो ॥ २७ ॥ को इह सवणपुडाणं, जुयलं सहलीकरैइ अम्हाणं । इयपुट्ठा दासीओ, तं पक्खिति आगंतुं ॥ २८ ॥ सामिणि ! इह आसने, चिट्ठेइ अउव्व गाइणो कोवि । गीएण जस्स लोओ, ठिओ पहे चित्तलिहिउब्व ॥ २९ ॥ अहमादवित्ति खुज्जा, नियदासी तीइ पेसिया तत्थ । सा गंतुणं पणमिय, पभणइ तं गायणं एवं ॥ ३० ॥ भो ! देवदत्तगणिया, तुम्भे विन्नवइ पुरिसिरीतिलया । काऊण गुरुपसायं, आगच्छ अम् भवणमि ॥ ३१ ॥ कुमरो धुत्तत्तेणं, जंपर खुज्जे ! न जुज्जए अम्ह | वेसासँगो जम्दा पडिसिद्धो सिद्धपुरिसाण ॥ ३२ ॥ विविefasatsaट्ठा, अभक्खमज्जोवभुंजणनिकिट्ठा | मुहमिट्ठा मणदुट्ठा, वेसा सिट्ठाण कह इट्ठा ॥ ३३ अन्नं भणति अन्नं, कुणति अनंत यियम्मि । तिविहेण असच्चासुं, को किर बेसासु वेसासो ॥ ३४ ॥ न गुणेण न वा रूवेण, नोवयारेण नो जिएणावि । धिप्पड़ वेसाण मणं, मुत्तूण धणं न अनेण ॥ ३५ ॥ ता खुज्जे ! वेसाणं, चिट्ठा अम्हेहिं सह महा वेरं । पत्थंति ताउ अत्थं, सो पुण नो अम्ह पासम्म ॥ ३६ ॥ तं सोउं सा खुज्जा, जंपइ चाडू सुपयडमइविहवा । सुविया वि हू तुम्भे, किमेवमवियारियं भणह ॥ ३७ ॥ सिरिखंडेरंडाणं करूं पत्तं तमालतालाणं । तह रासहि सुरहीणं, खीरं परमंतरं गरूयं ॥ ३८ ॥ ता बेसा नामस्सवि, मा भायसु सयलगुणगणनिहाण ! | दहूण सामिणिं मे, सगुणागुण अंतरं म्रुणसु || ३९ ॥ तो तत्थागमणेगं, मनेयन्वा तर अहं अज्ज । इय चाडुए भगंती, पडिया पाएसु से खुज्जा ॥ ४० ॥
