________________
।। श्रीआचाराङ्ग प्रदीपिका ।।
॥ २/३/१/॥
__ तस्सिमाओ पंच भावणाओ भवंति
(१) तत्थिमा पढमा भावणा-सोततो णं जीवे मणुण्णामणुण्णाई सद्दाई सुणेति, मणुण्णामणुण्णेहिं सद्देहिं णो सज्जेज्जा णो रज्जेज्जा णो गिज्झेज्जा णो मुझेज्जा णो अज्झोववज्जेज्जा णो विणिघायमावज्जेज्जजा । केवली बूया-निगंथे णं मणुण्णामणुण्णेहि सद्देहिं सज्जमाणे रज्जमाणे जाव विणिघायमावज्जमाणे संतिभेदा संतिविभंगा संतिकेवलिपण्णत्तातो धम्मातो भंसेज्जा।
ण सक्का ण सोउं सद्दा सोत्तविसयमागया। राग-दोसा उ जे तत्थ ते भिक्खू परिवज्जए॥१३०॥ सोततो जीवो मणुण्णामणुण्णाई सद्दाइं सुणेति, पढमा भावणा।
(२) अहावरा दोच्चा भावणा-चक्खूतो जीवो मणुण्णामणुण्णाई रूवाई पासति, मणुण्णामणुण्णेहिं रूवेहिं णो मह सज्जेज्जा णो रज्जेज्जा जाव णो विणिघातमावज्जेज्जा । केवली बूया-निग्गंथे णं मणुण्णामणुण्णेहिं रूवेहिं सज्जमाणे रज्जमाणे जाव संघा (विणिघा ) यमावज्जमाणे संतिबेदा संतिविभंगा जाव भंसेज्जा।
ण सक्का रूवमदर्से चक्खूविसयमागतं । राग-दोसा उ जे तत्थ से भिक्खू परिवज्जए । १३१ ।। चक्खूतो जीवो मणुण्णामणुण्णाई रूवाई पासति त्ति दोच्चा भावणा।
॥ २४६॥
