________________
॥ श्रीआचाराङ्ग प्रदीपिका ॥
से भिक्खू वा २ परं अध्धजोयणमेराए पायपडियाए णो अभिसंधारेजा गमणाए।
से भिक्खू वा २ से जं पुण पायं जाणेज्जा अस्सिंपडियाए एगं साहम्मियं समुद्दिस्स पाणाई ४ जहा पिंडेसणाए चत्तारि88 ॥२/१/६/१॥ आलावगा। पंचमो बहवे समण-माहण पगणिय २ तहेव।
से भिक्खू वा २ अस्संजए भिक्खुपडियाए बहवे समण-माहण वत्थेसणाऽऽलावओ।
से भिक्खू वा २ से जाई पुण पायाइं जाणेजा विरूवरूवाइं महद्धणमोल्लाई, तंजहा-अयपायाणि वा तउपायाणि वा तंबपायाणि वा सीसगपायाणि वा हिरण्णपायाणि वा सुवण्णपायाणि वा रीरियपायाणि वा हारपुडपायाणि वा मणि-कायकंसपायाणि वा संख-सिंगपादाणि वा दंतपादाणि वा चेलपादाणि वा सेलपादाणि वा चम्मपायाणि वा, अण्णयराणि 9. तहप्पगाराई विरूवरूवाई महध्धणमोल्लाइं पायाई अफासुयाई जाव नो पडिगाहेजा।
से भिक्खू वा २ से जाइं पुण पायाइं जाणेजा विरूवरूवाइं महध्धणबंधणाई, तंजहा-अयबंधणाणि वा जाव 8 चम्मबंधणाणि वा, अण्णयराई वा तहप्पगाराई महध्धणबंधणाई अफासुयाई जाव णो पडिगाहेजा।
इच्वेताई आयतणाई उवातिकम्म अह भिक्खू जाणेजा चउहि पडिमाहिं पायं एसित्तए। (१) तत्थ खलु इमा पढमा पडिमा-से भिक्खू वा २ उद्दिसिय २ पायं जाएजा, तंजहा-लाउयपायं वा दारुपायं वा
|| १७८॥ मट्टियापायं वा, तहप्पगारं पायं सयं वा णं जाएजा जाव पडिगाहेजा। पढमा पडिमा।
