________________
अंतकिरियं कप्पविमाणोववत्तियं आराहणं आहेइ ॥ १४ ॥ कालपडिलेहणाए णं भंते ! जीवे किं जणेइ ? कालपडिलेहणाए णं नाणावरणिज्जं कम्मं खवेह ||१५|| पायच्छित्तकरणेणं भंते! जीवे किं जणेइ ? पायच्छित्तकरणेणं पावकम्मविसोहिं जणेइ निरइयारे आवि भवइ, सम्मं च णं पायच्छित्तं पडिवज्जमाणे मग्गं च मग्गफलं च विसोहेइ, आयारं आयारफलं च आराहेइ ॥ १६ ॥ खमावणयाए णं भंते ! जीवे किं जणेइ ? खमावणयाए णं पल्हायणभावं जणे, पल्हायणभावमुवगए य सङ्घपाणभूयजीवसत्तेसु मित्तीभावं उप्पाएइ, मित्तीभावमुवगए य जीवे भावविसोहिं काऊण निभए भवइ ॥ १७ ॥ सज्झाएणं भंते! जीवे किं जणेइ ? सज्झाएणं नाणावरणिजं कम्मं खवेइ ॥ १८ ॥ वायणाए णं भंते! जीवे किं जणेइ ? वायणाए णं निज्जरं जणेइ, सुयस्स य अणुसज्जणाए अणासायणाए बट्टइ, सुयस्स य अणुसज्जणा अणासायणाए वहमाणे तित्थधम्मं अवलंबेइ, तित्थधम्ममवलंबमाणे महानिज्जराए महापज्जवसाणे हवइ ॥ १९ ॥ पडिपुच्छणाए णं भंते! जीवे किं जणेह ? पडिपुच्छणाए णं सुत्तत्थतदुभयाई विसोहेइ, कंखामोहणिज्जं कम्मं बुच्छिदे ॥ २० ॥ परियहणयाए णं भंते! जीवे किं जणेइ ? परियट्टणयाए णं वंजणाई जणेइ वंजणलद्धिं च उपाए ॥ २१ ॥ अणुप्पेहाए णं भंते ! जीवे किं जणेइ ? अणुप्पेहाए णं आउयवज्जाओ सत्त कम्पयडीओ धणियबंधणबद्धाओ सिढिलबंधणबद्धाओ पकरेइ, दीहकालट्ठियाओ हस्सकालट्ठिईयाओ पकरेइ, तिवाणुभावाओ मंदाणुभावाओ पकरेइ, बहुप्पएसग्गाओ
XCXCXCXOXOXOXOXOXCXCXCXX
त्रिसप्तति
पदानां फलनिरूपणम् ।
