________________
यरियाणं अंतिए पवइओ। अन्नया विहरंतो गओ तगरं नगरि सूरी। राहायरियस्स सझंतेवासी अजराहा नाम आयरिया उजेणीए विहरंति, तेसिं सयासाओ साहुणो तगरं गया राहायरियसमीवं । ते पुच्छिया 'निरुवसग्गं' ति भणंति| पुरोहियपुत्तो रायपुत्तो य बाहिंति । तस्स य जुवरायपवइयगस्स सो य रायपुत्तो भत्तिजओ 'मा संसारं भमिहि' त्ति पुच्छिऊण आयरिए गओ उज्जेणिं । कयमुचियकरणिज्जं । भिक्खावेलाए उग्गाहेऊण पढिओ । आयरिएहिं भणिओअच्छाहि । सो भणइ-न अच्छामि, नवरं तं दाएह पडणीयघरं । चेल्लगो भणिओ वच्च, दाएहिं । तेण दाइयं । सो तत्थ गओ वीसत्थो य पविट्ठो। तत्थ य रायपरियणो ससंभमो तं पेच्छिऊण भणइ-नीहरसु लहुं साहू, मा कुमारा खलीगरी| हिंति । तेण वि महासदेण धम्मलाभियं । तेहिं सुयं, भणंति-अहो ! लट्ठ पञ्चइयगो अम्हतेणमागओ, वंदामो त्ति । भणंति-आयरिया ! तुन्भे नचिउं जाणह ? । तेण भन्नइ-आमं जाणामो, तुब्भे वाएह । ते वाइउमाढत्ता जाव न याणंति। तेण भन्नइ-एरिसगा चेव तुब्भे कोलिया न किंचि जाणह ? । ते रुहा उद्धाइया । तेण घेत्तुं तेसिं निजुद्धजाणएण सधे संधी खोइया पढमं ताव पिट्टिया । ते हम्मंता राडिं करेंति । परियणो जाणइ-सो एस पवइओ हम्मंतो राडिं करेइ। सो वि गओ। पच्छा दिट्ठा न वि जीवंति न वि मरंति, नवरं निरिक्खंति एक्कमेकं दिट्ठीए। पच्छा रन्नो सिहं पुरो हियस्स य, जहा–को वि पवइयगो, तेण दो वि जणा वि संखलेऊण मुक्का । पच्छा राया सबबलेणं आगओ पवइयगाण मूलं । सो वि साहू एक्कपासे अच्छइ परियटुंतो । राया आयरियाण पाएसु पडिओ-पसायमावजह । आयरिओ भणइअहं न याणामि महाराय!, एत्थ एगो साहू आगओ पाहुणगो, जइ परं तेण कयं होजा। राया तस्स मूलमागओ पञ्चभिन्नाओ य । तओ तेण साहुणा भणियं-धिरत्थु ते रायत्तणस्स, जो तुमं अत्तणो पुत्तभंडाणऽवि निग्गहं न करेसि । पच्छा राया भणइ-पसायं करेह । भणइ-जह परं पञ्चयंति तो दोण्हं मोक्खो , अन्नहा नत्थि । राइणा पुरोहिएण य भन्नइ
OXOXOXXXXXXXXXX
AN
