________________
सत्थसाहारु, तिहुयणपुररक्खणुइंडपायारु, कम्मपरचक्कचूरणेक्कमल्लु, परपासंडमंडलीनिहरहिययसल्लु, पणयपावकं- XII पार्श्वनाथदुम्मद्दणमुसलु, दुबहधम्मधुराधुरुवहणधवलु" इच्चाइविरुदाइं पढंति । तए णं अच्चुइंदे निवत्तियाभिसेए सिररइयंजली चरित्रम् । जएणं विजएणं वद्धावेइ, पम्हलसूमालेहिं गंधकासाइएहिं गायाइं लूहेइ, कप्परुक्खं पिव अलंकियं करेइ, जाव नट्टविहिं उवदंसेइ । अच्छेहिं रययामएहिं अच्छरसा तंदुलेहिं भयवओ पुरओ अट्ठऽढ मंगलए आलिहइ । अवि य|"दप्पण भासण वर्द्धमाण वरकलस मैच्छ सिरिर्वच्छा । सत्थिय नंदावत्ता, लिहिया अट्ठऽढ मंगलगा ॥१॥" कर|यलविमुक्कस्स दसद्धवण्णस्स जलय-थलयकुसुमस्स जाणुस्सेहमेत्तं नियरं करेइ । वेरुलियकडुच्छयं गहाय कालागुरुकुंदुरुकतुरुक्कपवरं धूवं उप्पाडेइ । सत्तऽह पयाइं ओसरित्ता दसंगुलिं अंजलिं मत्थए करिय गंभीरत्थनिबद्धाणं वित्ताणमट्ठसएणं संथुणइ, जाव एवं वयासी-नमोऽत्थु ते सिद्ध ! बुद्ध ! नीरय! निब्भय! नीरागदोस! नीसंग! नीसल्ल! गुणरयण ! सीलसागर ! धम्मवरचक्कवट्टी!, नमोऽत्थु ते अरहओ भगवओ। ततो वंदित्ता नच्चासन्ने नाइदूरे पज्जवासइ । एवं जहा अच्च इंदस्स तहा जाव ईसाणिंदस्स भवणवइ-वाणमंतर-जोइसियाणं च अभिसेगा भाणियबा । तए णं ईसाणे पंच रूवे विउबइ-एगे ईसाणे भयवंतं करयलपुडे गेण्हित्ता सीहासणे निसीयइ, एगे पिट्टओ आयवत्तं धरेइ, दुवे | पासेसु चामरुक्खेवं करेंति, एगे सूलपाणी पुरओ चिट्ठइ । तते णं सक्के भयवओ चउद्दिसिं चत्तारि धवले वसभे विज्बइ, तेसिं अहहिं सिंगेहिंतो अट्ठ तोयधाराओ निग्गच्छंति, ताओ उडूं उप्पइत्ता एगओ मिलंति, भयवओ मुद्धाणंसि निवयंति । सक्कस्स वि तहेव अभिसेओ भाणियबो जाव संथुणइ-जय जय पासजिणेसर!, जय निरुव| मरूव ! परमकारुणिय !। जय जय सवगुणायर !, जय सामिय ! सयलसुनिलय ! ॥१॥ सयलजयनिबुइयरे, चिंतामणिकप्पपायवब्भहिए। दिटे पहुम्मि तुमए, भवो वि मोक्खायए अम्हं ॥२॥ तुह दसणसंजणिओ, हरिसो
