________________
चित्रसम्भूतवक्तव्यता।
REFOXXXXXXXXXOX0
___ इओ य तम्मि विसए वाणारसीए नयरीए संखो नाम राया। नमई नामो य से मंती । अन्नया कहवि तहाविहे
खूणे जाए जणपच्छन्नं वहट्ठयाए तस्स भूयदिन्नो पाणाहिवई आणत्तो राइणा । तेण वि पच्छन्नो विहिओ, भणिओ यरक्खामि तुम जइ भूमिहरहिओ मम पुत्ते पाढेसि । जीवियत्थिणा पडिवन्नं तेण । तहाकरेंतस्स अइक्तो कोइ कालो। अन्नया भूयदिन्नेण विन्नायं-जहा मम पत्ती एएण सह अच्छइ। मारेउमाढत्तो। चित्त-संभ्रएहिं 'उवगारि' त्ति काऊण नासाविओ। पच्छा हत्थिणाउरे नयरे सणंकुमारस्स चक्कवट्टिणो मंती जाओ। इओ य तेहिं वि चित्त-संभूयमायंगदारगेहिं रूवजोवणलायन्ननदृगीयाइकलापगरिसपत्तेहिं तिसरियवेणुवीणासणाहं गंधवं गायंतेहिं सयलो वाणारसीजणो हयहियओ कओ। अन्नया य मयण-महूसवो जाओ। पवत्तासु नाणाविहासु लोयचच्चरीस नचंतेसु तरुणतरुणीगणेसु चित्त-संभूयाइपाणाणं पि चच्चरी निग्गया । तओ तेर्सि साइसयं गीयं नटुं च सोऊण पसूण वि चित्तहरं सबो णयरीलोगो विससआ तरुणीजणो ताण समीवं गओ। तओ पउरचाउवेजलोएण ईसालुयाए रायाणं विन्नवियं-जहा देव ! एएहिं सबो वि लोगो विट्टालिओ त्ति । निवारिओ ताणं नयरीए पवेसो । गओ को वि कालो । अन्नया य कोमुईमहूसवाम्म लाल | दियत्तणओ कोहलपरा विस्सारिऊण रायसासणं अगणिऊण नियमिगं पविट्ठा णगरिं । तओं पेच्छणय पच्छना
अइरसओ कोल्हुयाणं व अन्नकोल्हुगरसियं सोउं भंजेऊण वयणं निग्गयं गेयं । तओ वत्थावगुंठियमुहा गाइउ पवत्ता | एगम्मि देसे । तओ तं समायन्निऊण सुइसुहं ताण गेयं समंतओ परियरिया सबलोएणं । भणियं च-केण एय किन्नराणुकारिणा महुरगीएणं अमयरसेणेव सवणसुक्खमुप्पाइयं । तओ कडिऊण उत्तरिजाई पलोइयं मुह जाव त चव एए मायंगकुमार त्ति । तओ हण हण' त्ति भणंतेहिं पायप्पहारचवेडाईहिं हम्ममाणा निग्गया नयरीओ, पत्ता बाहिरुजाण ।
१ अपराधे। २ गायकजनयूथम् । ३ शृगालानाम् ।
XXXXXXXXXXXX
