________________
all व्याख्या-सुप्तेषु' द्रव्यतः शयानेषु, भावतस्तु धर्म प्रति अजाग्रत्सु, 'चः' पादपूरणे, 'अपिः' सम्भावने, ततोXऽयमर्थः-सुप्तेष्वपि आस्तां जाप्रत्सु प्रतिबुद्धः-द्विधाऽपि प्रतिबोधवान् जीवत्येवंशीलः प्रतिबुद्धजीवी, कोऽभिप्रायः ?
द्विधा प्रसुप्तेष्वप्यविवेकिषु न गतानुगतिकतया स्वपिति प्रतिबुद्ध एव यावज्जीवमास्ते । तत्र द्रव्यनिद्राप्रतिषेधे अगडदत्त उदाहरणम् । तत्र च वृद्धवादः__ अस्थि जए सुपसिद्धं, संखउरं पुरवरं गुणसमिद्धं । तम्मि य राया जणजणि-यतोसओ सुंदरो नाम ॥१॥ तस्स कुलरूवसरसी, समग्गजणजणियलोयणाणंदा । अंतेउरस्स पढमा, सुलसा णामेण वरभज्जा ॥ २॥ तीए कुच्छिपसूओ, पुत्तो नामेण अगडदत्तो त्ति । अणुदियहं सो पवरं, वढतो जोवणं पत्तो ॥ ३ ॥ सो य केरिसो?धम्मत्थदयारहिओ, गुरुविणयविवजिओ अलियवाई । पररमणिरमणकामो, निस्संको माणसोडीरो ॥४॥ मज्ज पिएइ जूयं, रमेइ पिसियं महुं च भक्खेइ । नडपेडयवेसावि-दपरिगओ भमइ पुरनझे ॥ ५॥ अन्नम्मि दिणे रनो, पुरवरलोएण वइयरो सिट्ठो । जह कुमरेण नराहिव!, नयरे असमंजसं विहियं ॥ ६ ॥ सुणिऊण पउरवयणं, राया गुरुकोवजायरत्तच्छो । फुडभिउडिभासुरसिरो, एयं भणिउं समाढत्तो ॥ ७॥ रे! रे! भणह कुमार, सिग्धं चिय वजिऊण मह विसयं । अन्नत्थ कुणसु गमणं, मा भणसु य जं न कहियं ति ॥ ८॥ नाऊण वइयरं सो, कुमरो चइऊण नियपुरं रम्मं । खग्गसहाओ चलिओ, गुरुमाणपवडियामरिसो॥९॥ लंघित्ता गिरि-सरि-का-णणाई पुर-गोड-गामवंदाई। नियनयराओ दूरे, पत्तो वाणारसिं नयरिं ॥ १० ॥ तियचच्चरमाईसुं, असहाओ भमइ नयरिमज्झम्मि । चित्ते अमरिसजुत्तो, करि व जूहाउ परिभट्ठो ॥ ११॥ हिंडतेणं च तया, पुरीए मग्गेसु रायतणएणं । बहुतरुणनरसमेओ, एको कलजाणओ दिट्ठो ॥ १२ ॥ सो व केरिसो ?--सत्थत्यकलाकुसलो, विउसो भावनुओ सुगं-13
