________________
सिजंसपामोक्खाणं समणोवासगाणं तिण्णि सयसाहस्सीओ पंच सहस्सा (३०५०००) उक्कोसिया समणोवासगाणं संपया होत्था ॥२१६॥उसभस्स णं अरहओ कोसलियस्स सुभद्दापामोक्खाणं समणोवासियाणं पंच सयसाहस्सीओ चउप्पण्णं च सहस्सा (५५४०००) उक्कोसिया समणोवासियाणं संपया होत्था ॥२१७॥ उसभस्स णं अरहओ कोसलियस्स चत्तारि सहस्सा सत्त सया पण्णासा (४७५०) चउद्दसपुवीणं अजिणाणं जिणसंकासाणं उक्कोसिया चउद्दसपुविसंपया होत्था ॥२१८॥ उसभस्स णं अरहओ कोसलियरस नव सहस्सा (९०००) ओहिनाणीणं उक्कोसिया ओहिनाणीसंपया होत्था ॥२१९॥ उसभस्स णं अरहओ कोसलियस्स वीस सहस्सा (२००००) केवलनाणीणं उक्कोसिया केवलनाणिसंपया होत्था ॥२२०॥
