________________
सलिलं चिंतेइ–'पसुत्तो एसो' त्ति सुयउ ताव एस मे हिययनंदणो, पच्छा सुहविबुद्धस्स पयच्छिस्सामो से जलं। नेहेण समाउलमणो न याणइ मओ त्ति । तओ किंचि कालं पडिवालिऊण बलदेवो समासन्नो नियच्छए कण्हं कसिणमच्छियाहिं परिगयं । दह्नणं च भीओ हली मुहाओ वत्थमवणेइ ।तओ 'हा! मओ' त्ति मुच्छाए पडिओ धस त्ति धरणीयलम्मि । पच्चागयचेयणेण य महंतो सीनाओ कओ तहा जहा सावयकुलं वणं च कंपिउमारद्धं । संलविऊणं चाऽऽरद्धो-जेण मे एस भाया हिययवल्लहो पुहईए एकवीरो निग्घिणेण दुरप्पणा वावाइओ सो मे जइ सचं सुहडो तो देउ दंसणं । कहं वा सुत्ते पमत्ते वाउले वा पहरिजइ ? ता नूणं सो पुरिसाहमो न सप्पुरिसो । एवमुच्चसद्देणं भर्णतो बलो वणं समंतओ हिंडेऊण पुणो वि गोविंदपासमुवागओ। समागंतूणं च उच्चसद्देणं रोविउं पयत्तो-हा मह भाउय ! हा जणदण! हा सुहड ! हा महारह ! हरियंद ! किं किं ते रोयामि ?, किं सोहग्गं ? किं वा धीरत्तणं बलं वनं रूवं वा १, भणसि य पिओ मे बलो भाया ता किमेयं विवरीयत्तणं? जेण मे वायं पि न देसि, किं वा तए विरहिओ एगागी करेमि मंदभग्गो ? ता कत्थ गच्छामि ? कत्थ चिट्ठामि ? कस्स कहेमि ? के पुच्छामि ? के सरणमुवेमि ? कमुवलभामि ? कस्स रूसामि ? सवहा समत्तो मे जियलोओ, भो भो वणदेवयाओ! किं तुम्हाण समप्पिए जणद्दणे एवमुवेक्खिउमुचियं ? ए! एहि जणद्दण! किमकन्नसुयं करेसि ? किं मे तुहाऽवरद्धं ?, भयवईओ! देवयाओ एह ममोवरि कुवियं पसाएह कारुन्नयाए| वसुदेवनंदणं, सहोयर ! एस दिवसयरो अत्थसेलं समुवगच्छइ ता समुढेहिं संझोवासणवेला समुट्ठिया, उत्तमपुरिसा न सोवंति संझाए। खणमेत्ते य गए भणइ–रयणी य बहलंधयारा समागया, कूरसत्ता परिभमंति समंतओ, सिवा य भेरवे सरे करेमाणी वियरंति । एवं च पलवंतस्स पभाया रयणी । पुणो भणइ–भाउय ! समुढेहि, सूरो
सन्ध्यावन्दनवेला जाता ।
