________________
| यरियाणं अंतिए पवइओ। अन्नया विहरंतो गओ तंगरं नगरिं सूरी। राहायरियस्स सझंतेवासी अजराहा नाम आय| रिया उजेणीए विहरंति, तेसिं सयासाओ साहुणो तगरं गया राहायरियसमीवं । ते पुच्छिया 'निरुवसग्गं' ति भणंतिपुरोहियपुत्तो रायपुत्तो य बाहिति । तस्स य जुवरायपवइयगस्स सो य रायपुत्तो भत्तिजओ 'मा संसारं भमिहि' त्ति पुच्छिऊण आयरिए गओ उज्जेणिं । कयमुचियकरणिज । भिक्खावेलाए उग्गाहेऊण पट्टिओ । आयरिएहिं भणिओअच्छाहि । सो भणइ-न अच्छामि, नवरं तं दाएह पडणीयघरं । चेल्लगो भणिओ वच्च, दाएहिं । तेण दाइयं । सो तत्थ गओ वीसत्थो य पविट्ठो। तत्थ य रायपरियणो ससंभमो तं पेच्छिऊण भणइ-नीहरसुलहुं साहू !, मा कुमारा खलीगरीहिंति । तेण वि महासद्देण धम्मलाभियं । तेहिं सुयं, भणंति-अहो ! लट्ठ पवइयगो अम्हतेणमागओ, वंदामो त्ति । भणंति-आयरिया! तुब्भे नचिउं जाणह ? । तेण भन्नइ-आमं जाणामो, तुब्भे वाएह । ते वाइउमाढत्ता जाव न याणंति। तेण भन्नइ-एरिसगा चेव तुन्भे कोलिया न किंचि जाणह ? । ते रुट्ठा उद्धाइया । तेण घेत्तुं तेसिं निजुद्धजाणएण सब्वे संधी खोइया पढमं ताव पिट्टिया । ते हम्मंता राडिं करेंति । परियणो जाणइ-सो एस पबइओ हम्मतो राडिं करेइ। सो वि गओ। पच्छा दिवा न वि जीवंति न वि मरंति, नवरं निरिक्खंति एक्कमेकं दिट्ठीए। पच्छा रन्नो सिढं पुरो हियस्स य, जहा–को वि पवइयगो, तेण दो वि जणा वि संखलेऊण मुक्का। पच्छा राया सबबलेणं आगओ पवइयगाण मूलं । सो वि साहू एकपासे अच्छइ परियÉतो । राया आयरियाण पाएसु पडिओ-पसायमावजह । आयरिओ भणइअहं न याणामि महाराय!, एत्थ एगो साहू आगओ पाहुणगो, जइ परं तेण कयं होजा। राया तस्स मूलमागओ पञ्चभिन्नाओ |य । तओ तेण साहुणा भणियं-धिरत्थु ते रायत्तणस्स, जो तुम अत्तणो पुत्तभंडाणऽवि निग्गहं न करेसि । पच्छा राया भणइ-पसायं करेह । भणइ-जइ परं पवयंति तो दोहं मोक्खो, अन्नहा नत्थि । राइणा पुरोहिएण य भन्नइ
KOXOXOXOXOXOXOXOXOXOXOKOK
