________________
| उभयतोरणं ऊसियपडायं मंचाइमंचकलियं उस्सुक्कं उक्करं अब्भडप्पवेसं उवहियचंद्णकलसं पुप्फोवयारकलियं मघमघंतगंधधूवं नडनट्टाइपेच्छणयविराइयं ऊसियजूय सहस्समुसलसहस्सं कारवेइ । तओ सइए साहस्सिए सय साहस्सिए भाए दलमाणो एवइए य लाभे पडिच्छमाणो दसाहियं महूसवं करेइ, एक्कारसे सुदिवसे सूइकम्मे कए बारसे दिवसे मित्तना - इभोयावणपुवयं जम्हा गव्भगयम्मि इमम्मि जणणी सप्पं सेज्जापासेसु पासेइ अओ पिउणा 'पासु' त्ति नामं पयट्ठियं भयवओ, भणियं च —गभगए जं जणणी, सेज्जापासेसु पासिउं सप्पं । पडिसप्पंतं पइणो, लंबियबाहुं चडावेइ ॥ १ ॥ भणइ अयमेस सप्पो, वञ्चइ रायाऽऽह तं कहं मुणसि ? । साऽऽह सयं चिय तो दीवएण तं सो वि सञ्चविओ || २ || चिंतइ गव्भपभावो, एसो कहमन्नहा निसातमसि ? । एसा पासइ पासेसु तेण पासो त्ति नाम कयं ॥ ३ ॥ तओ कप्पतरु व सबजणाणंदयारी वğतो जाओ अट्ठवरिसो । सोह्णदिणे य पिउणा उवणीओ कलायरियस्स । तओ कलागहणुज्जुत्तेण अविन्नायपुच्वं सङ्घकलापरमरहस्सं पयडंतेण पासकुमारेण उवज्झाओ चेव कओ निउणयरो कलासु त्ति । सो चेव जाओ भयवओ विणेओ । तओ कोमुइमयंकाओऽणंतगुणसोमेण वयणेण, नीलुप्पलाओ अणंतगुणसोहेण नयणजुयलेण, सुरवइओऽणंतगुणरूवेण देहेण, महुखीराओऽणंतगुणमहुरेण सरेण, सयंभुरमणाओऽणंतगुणगंभीरेण हियएण, मत्तकरिवराओऽणंतगुणललियाए गईए, दुग्गइनिवडंतसवजगरक्खणलालसेण कारुन्नेणं विरायमाणो पासजिणो पत्तो जोवनं । तओ पसेणइणा रन्ना परिणाविओ गुणरयणसालिणिं पभावइनियधूयं । भुंजइ य भयवं तीए समं मणोरमं विसयसुहं । अन्नया भयवया पासाओवरिट्ठिएण गवक्खजालएहिं दिसावलोयणं कुणंतेण दिट्ठो सयलजणवओ पवरकुसुमवलिपडलियाहत्थो बाहिं निगच्छतो, पुच्छियं च - किमज्ज च्छणो कोइ जेणेवमेसो जणो वच्चइ ? त्ति । तओ सिमेकेणं | पासट्ठियपुरिसेणं-न को वि छणो, किंतु कोइ महातवस्सी कमढो नाम पुरीए बाहिं समागओ तस्स वंदणत्थं पत्थिओ
(OXCXXXCXXCXCXCXXXX
पार्श्वनाथ
चरित्रम् ।
