________________
चतुर्थ
श्रीउत्तराध्ययनसूत्रे श्रीनैमिचन्द्रीयवृत्तिः ॥८६॥
असंस्कृताख्यमध्यय| नम् ।
PROARKOK
चरियम्मि खित्तचित्तस्स । ता सयलो पुरलोओ, समागओ रायपासम्मि ।। ८० ॥ वररयणअंबराई, सुयंधकुसुमाई फलसणाहाई । मुक्काई रायपुरओ, पउरेणं परिहवगएणं ॥ ८१ ॥ तं पुरजणकोसल्लं, नरवइणा अप्पियं कुमारस्स । अह ते कयपणिवाया, विन्नत्तिं काउमारद्धा ॥ ८२ ॥ तंजहा–देव! इमं तुह णयरं, कुबेरपुरिविवअहियधणनिवहं । कइवयदिणाण मज्झे, रोरस्स व मंदिरं जायं ॥८३॥ केणावि तक्करेणं, दुढेणं खत्तचारणिउणेणं । मुटुं नरवर ! नयरं, एण्हि रक्खेसु किं बहुणा ? ॥ ८४ ॥ कडुयवयणेहि भणिओ, रन्ना आरक्खिओ पुरवरस्स । रे! रे! पेच्छंतस्स वि, मुटुं सवं पि तुह नयरं ॥ ८५ ॥ अह विन्नत्तं तेणं, देव ! अणेगाणि अम्ह दियहाणि । जोयंताणं चोरं, तह वि हु कत्थइ ण सो दिट्ठो ॥ ८६ ॥ एत्थंतरम्मि राया, विन्नत्तो अगडदत्तकुमरेणं । पहु! देहि ममाएसं, लहेमि पुरतक्कर सिग्धं ॥८७॥ मज्झे सत्तदिणाणं, पुरचोरं नो लहामि जइ नाह ! । तो जलियजलणजाला-ऽऽवलीसु जालेमि नियदेहं ॥ ८८ ॥ एवं कुमारवयणं, नरवइणा निसुणिऊण सपइन्नं । अणुमन्निऊण भणिओ, सिझेउ समीहियं तुज्झ ॥ ८९ ॥ अह सो गहियपइन्नो, रायाणं पणमिउं अणुविग्गो । परिभमइ नयरिमज्झे, जोयंतो तकरनिवासे ॥ ९ ॥ अवि य-वेसाण मंदिरेसुं, पाणागारेसु जूयठाणेसु । उल्लूरियाऽऽवणेसु य, उज्जाणनिवाणसालासु ॥ ९१ ॥ मढसुन्नदेउलेसुं, चच्चर-चउहट्ट-हट्ट-सालासु । तकरगमं नियंतो, हिंडइ एक्कल्लओ कुमरो ॥ ९२ ॥ ता जा छ8ो दियहो, बोलीणो नेय तकरो दिट्ठो। सत्तमदिणम्मि कुमरो, गहिओ चिंताए सविसेसं ॥९३॥ किं वच्चामि विदेसं ?, किं वा तायस्स अंतियं जामि? । हरिऊण तं मयच्छि, किं वा रन्नम्मि गच्छामि ॥९४॥ किंतु न जुत्तं एयं, निम्मलकुलसंभवाण पुरिसाणं । जं किर नियजीहाए, पडिवन्नं अन्नहा होइ ॥ ९५ ॥ जेण-छिजउ सीसं अह होउ बंधणं चयउ सवहा लच्छी । पडि
१ निपानशाला–पशुओं को पानी पीलाने का स्थान ।
द्रव्यसुतेषु प्रतिबुद्धजीविअगडदत्तदृष्टान्तः।
॥८६॥
