________________
CXCXX CXCXCXCX
उवणीओ । तेण लेहाइयाओ गणियप्पहाणाओ सउणरुयपज्जवसाणाओ कलाओ गाहिओ । जाहे तं गाहेइ आयरिओ ताड़े ताणि कढति विउल्लिति । पुत्रपरिचएण ताणि रोलंति । तेण ताणि न चैव गणियाणि । गहिआओ कलाओ । ते अने बावीसं कुमारा गाहिज्जंता आयरियं पिट्टति अवयणाणि य भणति । जइ सो आयरिओ पिट्टेइ ताहे गंतूण माऊणं सार्हेति । ताहे ताओ आयरियं खिसंति-कीस आणसि ?, न सुलभाणि पुत्तभंडगाणि । अओ ते न सिक्खिया ॥
इओ य महुराए जियसत्तू राया, तस्स सुया निधुई नाम दारिया । सा रण्णो अलंकिया उवणीया । राया भणइ — गेह जो ते रोयइ भत्तारो । तो ताए भन्नइ — जो सूरो वीरो राहूं च विंधइ सो मम भत्ता होउ, से पुण रज्जं दिज्जा । ताहे सा पिउवयणेण महासामग्गियाए गया इंदपुरं सोउं इंददत्तस्स बहवे पुत्ते । इंददत्तो तुट्ठो चिंतेइ - नूगं अन्नराईहिंतो लट्ठयरो अहं । आवाहिया. य तेण सधे रायाणो । महाविभूईए य आगया । तओ तेण उसियपडागं नयरं कारियं । रंगमंडवो बाहिं कओ । तत्थेक्कम्मि अक्खे अट्ठ चक्काणमुवरिं ठविया धीउल्लिया सा अच्छिम्म विधेयवा । तओ इंददत्तो राया सन्नद्धो निग्गओ सह पुत्तेहिं । सा वि कन्ना सवालंकारविभूसिया आगया । उवविट्ठो मंचेसु सद्यो नरिंदपमुद्दो निवजणो । तारिस य सयंवरो जाओ जारिसो दोवईए । तत्थ रन्ना जेट्ठो पुत्तो सिरिमाली नाम पढमं सहरिसं भणिओ-पुत्त ! एसा दारिया रज्जं च घेत्तवं, अओ विंध एयं पुत्तलियं वामे अच्छिम्मि । ताहे सो अकयवभासो तस्स समूहस्स मज्झे धणुं चैव न गिव्हिउं तरइ । कह कह वि अणेण गहियं कंपंतेण । 'जओ वच्च तओ वच्चर' त्ति मुको सरो । सो चक्केण अभिडिऊण भग्गो । एवं कस्सइ एगं अरगंतरं वोलीणो, कस्सइ दोन्नि, कस्सइ तिन्नि, अन्नेसिं बाहिरेणं चेव नीई । ताहे राया अधिइं पकओ-अहो ! अहमेएहिं धरिसिओ त्ति । तओ अमत्रेण भणियं— कीस अधिक्षं करेसि ? । राया भणइ - एएहिं अहमप्पहाणो कओ ।
*CXCXCXCXCXXXX
