________________
नमस्कार व्याख्यायां
॥५२०॥
वि आसमं नीया, रण्णा सगो परिजनो दिण्णो, संबद्धिता जाहे सा जोव्वणपत्ता जाता ताहे विवाहो कतो, अण्णदा उर्दुमि जमदग्गिणा भणिता अहं ते चरुं साहेमि जेण ते पुत्तो बंभणो पधाणो होति, तीए भणितं एवं कज्जतुत्ति, मज्झ य भगिनी हत्थि - णापुरे नगरे अणंतवीरियस्स भज्जा, तीसेवि साहेहि खत्तियचरुंति, तेण साहितो, सा चिंतेति अहं ताव अडवीमिगी जाता, मा मे पुत्तोवि एवं णासतुति तीए खत्तियचरुओ जिमितो, इतरीएवि बंभणचरू पेसितो, दोण्हवि पुत्ता जाता, ताए रेणुगाए रामो इतरीए कत्तवीरिओ, सो य रामो संवद्धृति, अण्णदा दो विज्जाहरा तत्थ समोसढा, तत्थ एगो पडिभग्गो तंमि आसमे, सो रामेण पडिचरितो, तेण से तुद्वेण परसुविज्जा दिण्णा, सरवणे छूढो अच्छति, तत्थ सरवणे साधिता, अण्णे भणति जमदग्गिस्स परंपरागता परसुविज्जा, सो रामो तेण पाढितोत्ति, सा रेणुका भगिणीघरं गता, तेण रण्णा सद्धिं संपलग्गा ससुता जमदग्गिणा आणिता, रुट्ठो, सा रामेण सपुत्तिया मारिता, सो य किर तत्थेव ईसत्थं सिक्खति, तीए भगिणीए सुतं, रण्णा कहितं, सो आगतो, आसमं विणासेत्ता गावीओ घेत्तूण पधाविओ, रामस्स कहितं, तेण धावितूण परसुणा मारितो, अनंतवीरियपुत्तो कत्तविरितो राया जातो, तस्स देवी तारा, अण्णदा से पितुमरणं कहियं, तेण आगंतुं जमदग्गी मारिओ, रामस्स कहितं, तेणागतेणं जलतेणं परसुणा कतविरितो मारितो, सयं चैव रज्जं पडिवण्णो । इतोवि सा तारादेवी तेण संभ्रमेण पलायंती तावसासमं गता, पडितो य से मुहेण गन्भो, तेहिं से णामं कतं सुभोमोत्ति, अण्णे भांति-भूमिघरे संवडितो जातो यात्त सुभूमो जातो, रामस्स य परसू जहिं जहिं खतियं पेच्छति तत्थ तत्थ जलति, अण्णदा तावसासमस्स पासेणं वीतिवयति जाव परसू उज्जलितो, सो तावसासमं गतो, तावसा भणति - अम्हे च्चिय खत्तिया, तेण रामेण सत्तवारा णिक्खत्तिया पुढवी कता, दाढाणं च थालं भरितं, एवं
४ क्रोधे जम
दग्न्यादिः
॥५२०॥
