________________
श्री
आवश्यक
चूर्णौ उपोद्घात निर्युक्तौ
॥३९१ ।।
धणगिरी य आपुच्छंति जहा सण्णायगाणि पेच्छामोति संदिसावेति, सउणेण वाहरितं, आयरिएहिं भणितं महंतो लाभो अज्ज, सूचितं वा अचित्तं वा लभह तं सव्वं लएह, ते गता, उवसग्गज्जितुमारद्धा, अण्णाहिं महिलाहिं भणति एतेसिं दारगं उबवेहि, तो कहिं नेर्हिति ?, पच्छा ताए भणितं मए एवतियं कालं संगोवितो एत्ताहे तुमं संगोवेहि, ताहे तेण भणितं मा पच्छाणुतप्पिहिसि, ताहे सक्खी काऊण गहितो छम्मासिओ, ताहे तेण चोलपट्टएण पत्ताबंधितो, न रोवति, जाणति सण्णी, ताहे तेसु अतितेसु आयरिएहिं भाणं भरियंति हत्थो पसारितो, दिष्णो, हत्थो भूमिं पत्तो, भणति अज्जो ! णज्जति वइरंति, जाव मुक्कं पेच्छति देवकुमारोवमं दारगं, भणति सारक्खेह दारणं एतं पवयणस्स आहारो एसत्ति, तत्थ से वइरोच्चेव णामं कतं । ताहे संजतीणं दिण्णो, तासिं सेज्जातरकुले सेज्जातराणि जाहे अप्पणगाणं चेडरूवाणं पीहरां वा पहाणं वा मद्दणं वा करेन्ति ताहे पुव्वं तस्स देंति, जाहे उच्चाराती आयरति ताहे आगारं करेति, रुयति वा, एवं संबद्धति, फासुयपडोयारो तेर्सि इट्ठो, साधूवि बाहिं विहरति ।
ता साणंदा पमग्गिता, ताओ निक्खेवोत्ति ण देन्ति, सा आगता २ थणं देति, एवं तिवरिसो जातो, अण्णदा साधू विहरेन्ता आगता, तत्थ राउले ववहारो जातो, सो भणति ममेताए दिण्णओ, नगरं नंदाए पक्खितं, ताहे बहूणि खेलणगाणि कताणि, एवं रण्णो पासे ववहारच्छेदो, तत्थ पुव्वाहुत्तो राया, दक्खिणओ संघो, सयणपरिजणो वामगपासे णरवतिस्स, तत्थ राया मणति मम तत्थे तुम्भे, जत्तो चेडो वयति तस्स भवतु, तेहिं पडिस्सुतं, को पढमं वाहिरउ १, पुरिसातीयो धम्मत्ति पुरिसो वाहरतु, णगरजणी आह- एतेसिं संचितओ, माता सहावेउ, अविय माता दुक्करकारिया, पुणो य पेलवसत्ता, तम्हा एसा चैव
वज्रस्वाम्यधिकारः
॥३९१॥
