________________
श्री आवश्यक
चूर्णौ उपोद्घात नियुक्तौ
॥३१३।।
ततो भगवं मोसलिंगतो, बाहिं पडिमं ठितो, इमो खुट्टगरूवं विउब्वित्ता खत्तं खणति, तत्थवि तहेव घेप्पति, बंधिऊणं मारिज्जइत्ति, तत्थ सुमागधो नाम रट्ठओ सामिस्स पितुवयँसो, सो मोएति, कहितं च, खुट्टओ गहितो, तहेव गट्ठो । ततो भगवं तोसलिंगतो, तत्थवि बाहिं पडिमं ठितो, तत्थवि देवो खुड्डरूवं बिउव्वित्ता संधिमग्गं सोहेति, पडिलेहेति य, सामिस्स पासे सव्वाणि खत्तोवकरणाणि विगुब्बति, ताहे सो खुट्टओ गहितो, तुमं कीस एत्थ सोहेसि ?, सो साहति- मम धम्मायरियो रति मा कंटए भज्जार्वेहिति, सो रतिं खणओ णीहिति, सो कहिं ?, कहितो, गता, दिट्ठो 'सामी, ताणि य परिपेरंतेण पासति, गहितो, आणीतो, ताहे उक्कलंबितो, एक्कसिं रज्जू छिन्नो, एवं सत्त वारा छिन्नो, ताहे सिद्धं तस्स तोसलियस्स खत्तियस्स, सो भणतियह एस अचोरो, निद्दोसो, तं खुडयं मग्गह, जाव ण दीसति, ताहे णायं तं जहा देवोत्ति ।
सिद्धत्थपुरे तेणत्ति कोसिओ आसवाणिओ मोक्खो । वयगामहिंडणेसण थितियदिणे वेति उवसंतो ।। ४-५४।५११ ॥
ततो सिद्धत्थपुरं नाम गामो, तत्थ भगवं गतो, तत्थवि तेण देवेण तहा कयं जहा तेणोति गहितो, तत्थ कोसिओ नाम आसवाणियओ, तेण सामी कुंडगामे दिट्टेल्लओ, तेण मोयावितो, केती भणति तत्थ कोसितो नाम आसवाणिओ सामिं द निग्गमए अमंगलंति असिं कडिऊण आगतो, सकेण तस्सेव उवरिं दिनो, स मतो थ, ततो सामी वयग्गामं गोउलं पत्तो, तत्थ य तद्दिवसं छणो, सव्वत्थ परम उवक्खडियं, चिरं कालं तस्स देवस्स ठितगस्स उवसग्गं काउं, सामी चिंतेति गता छम्मासा, मा गतो होज्जत्ति अतिगतो जाव अणेसणातो करेति, जाव सामी उवउत्तो पासति, ताहे अद्धहिंडितो चैव नियत्तो, बाहिं पडिमं ठितो,
संगमककृता
• उपसगोः
॥३१३॥
