________________
श्रीआचाराजवृत्तिः (शी०)
श्रुतस्कं०२ चूलिका ३ भावनाध्य.
॥४२७॥
सभोयणभोई से निग्गंथे, केवली बूया-अइमत्तपाणभोयणभोई से निग्गंथे पणियरसभोयणभोई संतिभेया जाव भंसिजा, नाइमत्तपाणभोयणभोई से निग्गंथे नो पणीयरसभोयणभोइत्ति चउत्था भावणा ४ । अहावरा पंचमा भावणा-नोनियों इत्थीपसुपंडगसंसत्ताई सयणासणाई सेवित्तए सिया, केवली बूया-निग्गंथे णं इत्थीपसुपंडगसंसत्ताई सयणासणाई सेवेमाणे संतिभेया जाव भंसिज्जा, नो निग्गंथे इत्थीपसुपंडगसंसत्ताई सयणासणाई सेवित्तए सियत्ति पंचमा भावणा ५, एतावया चउत्थे महन्वए सम्मं काएण फासेइ जाव आराहिए यावि भवइ, चउत्थं भंते! महत्वयं ॥ अहावरं पंचम भंते ! महब्वयं सव्वं परिग्गहं पच्चक्खामि से अप्पं वा बहुं वा अणुं वा थूलं वा चित्तमंतमचित्तं वा नेव सयं परिग्गई गिहिज्जा नेवन्नेहिं परिग्गहं गिण्हाविजा अन्नपि परग्गहं गिण्हंतं न समणुजाणिजा जाव वोसिरामि, तस्सिमाओ पंच भावणाओ भवंति, तत्थिमा पढमा भावणा-सोयओ पं. जीवे [मणुना]मणुनाई सद्दाई सुणेइ मणुनामणुन्नेहिं सदेहिं नो सजिज्जा नो रजिजा नो गिज्झेजा नो मुज्झि(च्छे)जा नो अज्झोववज्जिज्जा नो विणिघायमावज्जेज्जा, केवली बूया-निग्गंथे णं मणुन्नामणुन्नेहिं सद्देहि सज्जमाणे रजमाणे जाव विणिघायमावज्जमाणे संतिभेया संतिविभंगा संतिकेवलिपन्नत्ताओ धम्माओ भसिज्जा, न सका न सोउ सद्दा, सोतविसयमागया । रागदोसा उ जे तत्थ, ते भिक्खू परिवजए ॥ १॥ सोयओ जीवे मणुन्नामणुन्नाई सद्दाइंसुणेइ पढमा भावणा १ । अहावरा दुच्चा भावणा-चक्खूओ जीवो मणुनामणुनाई रूवाइं पासंई मणुन्नामणुन्नेहिं स्वेहिं सज्जमाणे जाव विणिघायमावजमाणे संतिभेया जाव भंसिजा, न सका रूवमद्दट्ट, चक्खुविसयमागयं । रागदोसा उ जे तत्थ, ते भिक्खू परिवजए ।। १ ॥ चक्खूओ जीवो मणुन्ना २ रूवाई पासइ, दुच्चा भावणा ।
ACCRAA
॥ ४२७॥
.
