________________
॥ अपुण्ये मङ्गालकथा.॥
द्वितीयः | परिच्छेदः
चन्द्रप्रमस्वामि चरित्रम् ॥२८शा
| अपूण्ये मङ्गलकथा।
दाणाईहिं न पुण्णं समज्जियं जेहिं भवनिवासंमि । ते मंगल ब्व कयबहूववसाया विहु विसीदति ॥१॥ अत्थित्थ भरहखित्ते सुमंगला नाम रम्मया नयरी । जत्थ जणविवहारो, विवेगतरलेण परिकलिओ॥२॥ तत्थत्थि सुकयनिरओ धणसारो सिद्विपुगवो तस्स । नामेणावि सुसीला हरिणो लच्छी व भज्जा य ॥३॥ नयरम्मि तत्थ जक्खो, परीक्खओ लद्धनाममाहप्पो । इत्थी वा पुरिसो वा जो जम्मइ तंमि नयरंमि ॥ ४॥ जम्मणखणंमि बालं, तस्स य जक्खस्स मुत्तिपुरओ तं । पक्खिवंति जणणिजणया पुण्णमपुण्णं ति जाणेउं ॥ ५ ॥ जइ होइ पुण्णवंतो ता जक्खकरडिओ सलिलकलसो । सिसुपुण्णतारतम्मा उ आइ तक्खणा चेव ॥ ६ ॥ जइ पुण अपुण्णवंतो ता जक्खपुरट्ठियस्स दीवस्स । गलिउं तत्तो विंदू पडेइ बालस्स भालम्मि ॥७॥ अप्पुण्णउ ति लंछणतिलएण तेण सहिनाणं । ववहारनेहवीवाहकज्जवगंमि वज्जति ॥ ८॥ धणसारगेहिणीए जाओ पुत्तो तओ अ जक्खस्स । पुरओ खित्तो दीवाउ तेलबिंदू सिरे पडिओ॥३॥ जायं तिलयं सीसे नीओ गेहम्मि ताव धणसारो। चितेइ केरिसमिणं संजायं मज्झ पुत्तस्स १ ॥१०॥ जाओ पुण्णाओ सुओ संजाओ सो वि विगयपुण्णो हा !। ता जीवंतेणिमिणा अम्हाण पराहवो लोए॥११॥ जम्हा अपुण्णवंतो देसाचारेण ठाइ न गेहंमि । खिप्पड अपुण्णगामे रायादेसो जओ इत्थ ॥१२॥
K
॥२८॥
