________________
चन्द्रप्रभस्वामि
चरित्रम्
॥२५५॥
जाया रयणवुट्टी वि, सोमदत्तस्स मंदिरे । देवासुरमनुस्साणं, हरिसं सुपसन्नया ॥ २३३ ॥ जरथ सामी पयं देइ, तं पुज्जं वसुहातलं । पंचवण्णं तओ पुप्फबुद्धिं देवा कुणंति य ॥ २३४ ॥ सव्वामरदुमोन्भूयपुप्फनीसंदसंचया । तओ गंधोदयवुडिं, कुव्वंति तियसा सुरा ॥ २३५ ॥ कुणमाणो नहं चित्तमेघमालामयं परं । चेलुक्खेवो सुरेहिं पि, कओ चामरसोअरो ॥ २३६ ॥ ओ सामी गओनत्थ, सोमदत्तेण तो तहिं । कारियं रयणवीढं, जहिं पाराविओ पहू ॥ २३७ ॥ सामी खग्ग व्वणासीणो, खग्गिसिंगं व एगओ । सुरगिरि व्व निक्कंपो, सीहु व्व भयवज्जिओ ॥ २३८ ॥ पवणो व्यापडिबद्धो, एगदिट्ठी अही विव । संखो व्व निरवलेवो, कुम्मो व्व गुत्तइंदिओ ॥ २३९ ॥ चंदो विव सीयलेसो, गंभीरो सायरो विव । सूरो व्व महापयावो, जीवो व्वऽखलिओ सया ॥ २४० ॥ कंचणं अणलेणेव, तवेणं तेयभासुरो । वुईहिं वरसाखि व्व, गुत्तीहिं तिहिं संबुडो ॥ २४९ ॥ धरं तो पंचसमिई, धाणुको व्व सरे खरे । पराभूयकतेएण, हिमेण अजिओ पहू ॥ २४२ ॥ माहमासनिसीहेण, हिमीकयजलेण वि । अखंडिज्जंतपडिमो, परिमाण विवज्जिओ ॥ २४३ ॥ अरणे वग्घसीहाइदुस्सावयभयावहे। पुरे सुस्सावयघणे, निव्विसेसगइट्टिई ॥ २४४ ॥ एगागी निम्ममो मोणी, निग्गंथो झाणतप्परो । अजिओ परीसहेहिं, संसारट्टिवज्जिओ ॥ २४५ ॥ विहरतो महीवीढे, छाउमत्येण सामिओ । विहरितु तिनि मासा, सव्वत्थ वि जिणेसरो ॥ २४६ ॥
द्वितीयः
परिच्छेदः
स्वामिवि
हारः ।
।। २५५॥
