________________
चन्द्रप्रम
द्वितीयः परिच्छेद
स्वामि
चरित्रम्
॥२५॥
स्वाम्यङ्गल. क्षणानि ।
एवं सव्वाण देवाणमाणवित्त सुराहिवो । नंदीसरम्मि अट्ठाहिं, किच्चा सट्ठाणमागओ॥१६३ ॥ लक्खणा वि पडिबुद्धा, सभत्तुणो कहेइ तं । सिविणं पिव रत्तीए, बुत्तंतं सयलं तओ ॥ १६४ ॥ महसेणो महाणंदपरिपुण्णसरीरओ । पहुजम्मूसवं बारदिवसाणि वहेइ सो ॥ १६५ ।। मायाइ गभगे अस्सि, चंदपाणस्स डोहलो। जाओ त्ति चंदप्पहु त्ति, पियरो दिति नामयं ॥ १६६ ॥ सक्कसंकमियं सामी, नियंगुठे रसामियं । तं पिबेइ जहिच्छाए, नीकतोयं व रुक्खओ ॥१६७।। सक्काइट्टा उ देवीओ, पंचधाईपयं गया । तस्स पासं न मिल्लंति, समिइ व्व महामुणी ॥ १६८ ।। चत्तसेयमलद्देहो, धवलमंससोणिओ। अदिस्साहारनीहारो, सुगंधमुहमारुओ ॥१६॥ वज्जरिसहनारायदेहो चंदसुलंछणो । कमा अहमतित्थेसो, वीयाचंदु व्व वड़ए ॥ १७० ॥ वयवुडीए सद्धाए, रूवलायण्णकोसला । सामिणो सह वड्ढेति किरणा रविणो जहा ॥ १७१ ॥ तथाहि__ जोवणे पि पया रत्ता, उण्हा समतला तहा । कोमला अस्सेयकंपा, चक्कंकुसाइलंछिया ॥ १७२ ।। वत्तलो मंसलो तुगो, भुजंगमफणोवमो । अंगुट्ठो पहुणो जत्थ, मणि व्व रेहए नहो ॥ १७३ ॥ नीरंधा सरला नंदावत्तंका अंगुलीउ से । पहुलो बटुलो पण्ही, गूढा गुप्फा य सामिणो ॥१७४ ॥ उवरिं आणुपुवीए, कुम्मो ब्व उन्नया पया । अप्पयाससिरा निद्धा, लोमहीणा जगेसिणो ।। १७५ ॥ एणीए सरिसा जंघा, बटुला कममंसला । पुण्णेंदुवटुलं जाणुजुर्ग मंसेण पूरियं ।। १७६ ॥
॥२५॥
