________________
पत्ताई. फुल्लफलगंधमाईणि ॥२८२।। परिवासिएहि विहिओ सिंगारो तीए चंदकताए । सो अच्चंतमणोरमरूवो जाओ त जं तेण ॥२८३॥ विहिओ सहीजणेणं उवहासो वल्लहा न तं पिउणो। जं एवं परिहाणी भोगंगाणं कया तुज्झ ॥२८४।। जायं च तक्खणाओ वेरग्गं ही पियावि कह मज्झ । जाओ सिणेहसुन्नो मन्ने अन्नपि इय होही ॥२८५।। जं जणगाओ को नाम होज पेमालुओ जणे अन्नो । जइ सोवि नेहरहिओ मन्ने ता सुन्नमेव जयं ॥२८६।। इय चित्तचिंतणाहिं विहड़ियमाहा जया निवेणेसा । दिट्ठा पेमपिसाओ नट्ठो तस्सावि विसएसु ॥२८७।। तत्तो सयलंपि जयं निभालियं तेहिं बाललोयाण । धूलीहरसरिसं पवणचलियधयवडसमाणं वा ॥२८८।। एवं संसारविरत्तमाणसाणं वयंति जा दिवसा । विउलजसो नामेणं संपत्तो ताव तित्थयरो ।।२८९॥ दिणयरबिंबागारेण धम्मचक्केण भूरि भासंतो। दूरगलत्थियतिमिरेण अग्गओ चंकमंतेण ॥२९०॥ तह फालिहेण सिंहासणेण अइरुइरपायवीण । उवरि नहंगणचंदाणुकारिणो छत्ततियगेण ॥२९१।। विजपुंजुञ्जलहेममइयनवपउमगब्भकयचलणो । बहु तियसकोडिपणओ ढलंतसियचामरुप्पीलो ॥२९२॥ पलयघणगहिरदुंदुहिभंकारारावबहिरियदियंतो। सग्गं पिव पच्चक्खं अवयारितो महीवलए ।।२९३।। कहिओ य पउत्तिनिवेयगेहिं पुरिसेहिं देव ! जह अन्ज । तित्थाहिवो इह पुरे समोसढो विउलजसनामा ॥२९४।। सव्वि-8॥७९९।। ड्डिसारमेसो विणिग्गओ तस्स वंदणणिमित्तं । पंचविहाभिगमजुओ पत्तो तप्पायमूलम्मि ॥२९५।। कहिओ य तेण धम्मो जह जम्मो माणुसो इमो दुलहो । नो वालीणमिहाउं विणियत्तइ तियसपहुणोवि ॥२९६।। जीवियसारा नीरोगयाइ अइचंचला, सिणेहपरो । नियकजबद्धबुद्धी सयलोवि इमो सयणलाओ ॥२९७॥ विरियपि धम्मविसयं ना निययं ता
