________________
॥७२॥
विरियणुरूवं जइस्संति ।। सुहसीलथूलमइणा जणेण पाएण तेवि परिभूया। साहिस्संति न सुगई अणुसइगव्वाइदोसेहिं ॥७॥ एत्थम्मि अप्पतरगा सद्धम्माराहगा भविस्संति । छट्ठसुविणस्स एसो परूविओ तुम्ह भावत्थो ॥८॥
'बीएसु' इत्यादि। किसिकम्मसमो सुरनरभोगफलो सुद्धदाणधम्मुत्थ । करिसगसमा य पहुणो छित्ताई सुद्धपत्ताई॥१॥ बीयाणि पुणो णायागयाओ आहारउवहिवसहीओ। उग्गमउप्पायणएसणाहिं णियमा विसुद्धाइं ॥२॥ दुसमाए दायारो सबुद्धिबहुमाणिणो अगीया य । दुवियडकरिसगा इव न सुद्धदाणे रमिस्संति ॥३॥ धरिहिति पक्खवायं आहाकम्माइ दोसदुट्ठम्मि । पउरम्मि मणुन्नम्मि दाणम्मि अ बीयकप्पम्मि ॥४॥ वियरिस्सति तयं पुण छक्कायविराहणापसत्तेसु । निकारणपडिसेविसु ऊसरसरिसेस पत्तेसु ।।५।। सुद्धपि घयगुलाई काउं ओगाहिमाइरूवेण । दाहिति तुच्छवीया मिच्छावच्छल्लनत्तिल्ला ।।६।। अहव तिलभूमिगावीजुत्तहलाईणि पावहेऊणि । पार्य दाहिति जणा सारंभाऽबंभयारीणं ॥७॥ सुद्धविवेगा विरला जहागर्म दाणधम्मववहारे । पट्टिस्संति सरूवं सत्तमसुविणस्स मिद्दिढें ॥८॥ ____ 'कलसा येत्यादि' । कम्ममलहरणपञ्चलचलणजलाधारभूयनेवच्छा। दुसमद्धाए जईणो कलसव्व दुहा भविस्रांति ।।१।। एगे विसुद्धजिमपासाओवरि सुहा अणाणंदा । उवसमपउमपिहाणा तवसिरिसिरिखंडचच्चिका ॥२॥ विविहगुणकुसुममालालंकियमंगलभूइसत्तिल्ला । सुहगुरुआणाथालीसु राठिया जाणकतिल्ला ॥३॥ अन्ने पमायमहियलखुत्तंगा भग्गसुद्धवयकन्ना । अयसोगालिविलिता पायडअइयारपका ॥४॥ तेवि पुण कालदोसा उग्घाडमुहेवि भासकिरियाए। दठूण उवरिमावि हु तेंसिं दोंसे पयासेंता ।।५।। खावेता निययगुणे कलहंता गझयमच्छरामरिसा । टलिऊण संजमाओं आणा
॥७२१॥
