________________
॥७१९
'खीरतरू' इत्यादि । इह खोरतरुसरिच्छा सुसावगा पवयणुन्नइपसत्ता । गुरुवच्छला सुभणिया उदारचित्ता महासत्ता ॥१॥ तण्णिस्साछायासुं पसंतरूवा वसंति मुणिसीहा । उवसग्गपरीसहसज्झसुज्झिया सुट्ठ सोंडीरा ॥शा लद्धपसंसा लोए अहो इमे एत्थ पुन्नजम्माणो। अक्खलिओऽहिगमो वत्थपत्तपाणासणाईण ॥३। सुद्धाणट्ठाणवसा निव्वाणफलप्पसाहगा पुवि । ते दूसमाणुभावा होहिंति पमाइणो पायं ॥४॥ काहिति संखडाई न उज्जमिस्संति चरणकरणेसु । तो ते अन्नेवि मुणी होहिंति अणाझ्या लोए ।।५।। होहिंति य पाएणं सणबज्झव्व साहुपडिणीया। सड्डावि दुव्वियड्डा नडिया कुग्गाहमाईहिं ।।६।। तो दाणधम्मबुद्धि विहणंता अप्पणो परेसिं च । वट्टिस्संति न पायं उवग्गहे तदुचियाणंपि ॥७॥ णाणलवबद्धगव्वा उत्तरपडिउत्तरेहिं गुरुवग्गं । दुव्वयणकटियाहिं तवहिंति परोक्खपच्चक्खं ॥८॥ एवं बब्बूल समा होहिंति उवासगावि दुसमाए। पडिकूलाणवि तेसिं इयरे काहिंति अणुवित्ति ॥९॥ गुणरहियअप्पसत्ता पायडदोसत्ति दीणयं पत्ता । जुत्तमजुत्तं तेसिं बहु मनिस्संति ववहारं ॥१०॥ बहुकम्मरया एवं सुणगा होहिंति धम्मगच्छावि । थोवा पुव्वुत्तगुणा उभएवि य तइयसुविणत्यो ॥११॥ ___'धखेत्यादि । इह तुच्छणाणसलिला पयईए संकडा अगंभीरा । वाविव्व दुरवगाहा गुरुणो होहिंति णरनाह ! ॥१ ॥७१९। धंखव्व तयासन्ने अमहिच्छा चलमणा अथिरदिट्ठी । समणोवासगजइणो सिढिलायारा चरिस्संति ॥२॥ तेसिं च केइ सविसेसधम्मतण्हालुया अविनाणा । कालाणुरूवकिरियपि नियगुरुं निग्गुणं गणिउं ॥३॥ मायण्हियासमेसु नियमइकप्पियगुणेसु । विविहेसु । संजायभत्तिराया पासत्थाईसु गमिहिति ॥४॥ मज्झत्थजाणगेहिं पण्णवियावि हु असद्दहाणे उ। ठाहिति ते
