________________
उपदेशपद: महाग्रंथः
शङ्ख कलावतीनिदर्शनम्
॥६९६॥
मागओं तुमं जम्हा? । जाणइ एसोत्ति परं पहरिसमणुपत्तओ भणइ ॥३८१॥ गरुई कहा इमीए सकिजइ रिसिकुमार! नो कहिउं । परमत्थो इत्थ इमो जइ जीवंति ण पेच्छेइ ।।३८२।। संखो राया ता जलियजलणमज्झम्मि नियमओ विसइ । तो कहसु-तप्पत्ति जीवावसु संखणरणाहं ॥३८३।। एवं भणिओ दत्तेण सो दयं माणुसे परिवहंतो। णेइ समीवे कुलसामियस्स कहिओ य वुत्तंतो ।।३८४॥ तावसिमझाओ तओ वाहरिया तह निहालिओ दत्तो। सहसा निरुद्धकंठं परोइया मुक्कनीसासा ॥३८५॥ धीरत्तणेण धरियंपि हिययरुद्धं दुहं अइमहंतं । रोयंतीए तीए झडत्ति दत्तग्गओ वमियं ॥३८६।। आसासिया खणाओ दत्तणवि मंथरं रुयंतेण । मा कुण सामिणि! खेयं एसो खलु कम्मपरिणामो ॥३८७।। पावंति सुहं दुक्खंपि दारुणं चित्तगोयराईयं । चित्तसुहासुहकम्मेहिं पाणिणो एत्थ संसारे ।।३८८।। एयम्मि अणणुकूले माया भाया पई पिया सयणा । वदि॒ति वेरिया इव रिउणोवि इमेव्व अणुकूले ॥३८९।। भवियन्वयानिओया एवं अञ्चन्भुयं तुहं वित्तं । तहणेहणिब्भरेणं रण्णा जं कारियं एयं ॥३९०।। अणुभूयं सुयणु ! तए सव्वं अच्चंतदारुणं दुक्खं । एत्तोवि अणंतगुणं रन्नावि अओ निमित्ताओ ॥३९१।। संपइ पच्छायावी इच्छइ सो साहिउं खलु हुयासं । अजेव जइ न पेच्छइ तुह वयणं जीवमाणीए ॥३९२।। ता मुयसु मण्णुमहुणा कालक्खेवोवि खमइ णो एत्तो। आरुह रहवरमेयं एवं चिय संपयं जुत्तं ॥३९३॥ कयनिच्छयं नरिदं गाउं गमणूसुया इमा जाया । पडिकूलस्स य पइणो हियमेव मणे कुलवहूणं ॥३९४।। णमिऊण य पुच्छिऊण य कुलवइमह रहवरं समारूढा । पत्ता य पओसे नयरबाहिरे नरवरावासे ॥३९५॥ संपुन्नतणुं दइयं लद्धणं तोसमुव्वहंतोवि । लजोणामियवयणो ण तरेइ पलोइउं राया ॥३९॥
॥६९६॥
