________________
॥६६॥
नयरे । वरइब्भसुओ धीमं धणियं विणयंधरो नाम ॥३२॥ जस्स धणं धणयस्स व मयणस्स व जणविमोहणं रूवं । विण्णाणं विबुहाणंददायगं देवगुरुणोव्व ॥३३॥ तह वरघरिणि चउक्कं पहसियसुरखयरनारि संदेरं । जस्साणासंपायणपउणं पुलएइ मुहकमलं ॥३४॥ भणियमवरेण तत्तो वणियवहूवण्णवायकरणेण । मा सुरखयरनरीसरदइयाओ होलसु अणज! ॥३५।। इयरेण तओ भणियं का हीला एत्थ वण्णओ को वा। भणियः सरूवमेयं सुपसिद्धं सव्वनयरीए ॥३६॥ देवाण दाणवाण य कुणंति उवाइयाइं जुबईओ। तारिसरुवस्स कए तविहदारस्थिणो तरुणा ॥३७।। वन्नति कामिणीओ सव्वाओ निगयरूवगव्वाओ। चंकमियं ललियं जंपियं च तासिं सओसाओ ।।३८॥ एवं बहुप्पयारं सेोऊणमईव वणयं तासि । भवियव्वयानिओगा राया रायाउरो जाओ ॥३९॥ ण तहा दिट्टसरूवे रअंति जणा जणे गुणदेवि । जह निग्गुणेवि परवयणवन्निए जयदिई एसा ॥४०॥ होति वि धम्मबुद्धी अधम्मबुद्धी खणेण सो जाओ। कस्स व विवरीयत्तं ण होइ मयणेण मूढस्स ॥४१॥ एगत्तो कुलममलं मइलिजइ दहइ अन्नओ मयणो । दुत्तडिवग्धंतरसंठिओव्व दुहिओ तओ जाओ ॥४२॥ कुवियप्पलहरिहीरंतएणं चिंतामहण्णवुच्छंगे। आसासदीवभुओ लदो तेणेरिसोवाओ ॥४३।। पञ्चाइयपउरजणं दासं उप्पाइऊण से वणिणो। गिण्हामि बला ताओ न होमि गरहारिहो जेण ॥४४॥ इय निच्छिऊण पच्छण्णमेव भणिओ पुरोहिओ तेण । विणयंधरेण सदि कुण मेत्ति कवडनेहेण ॥४५।। तत्तोवि भुजखंडे एयं गाहं लहुं लिहावित्ता । पच्छण्णमेव मज्झं उवणेहि अयाणियं तेण ॥४६॥ सा पुण ।। पसयच्छि! रइवियक्खणि! अज अभव्वस्स तुह विओगे मे। सा राई चउजामा जामसहस्संव वोलीणा ॥४७।। बडुएण तहेव कए रण्णा पउ
