________________
।।६५७।।
रमई ? ।। ९५ ।। निउणा इमीए बुद्धी जं एवं पालियं नियं सील । अहयंपि पडतो पावपावए वारिओ विहिणा ।। ९६ ।। गरुयावराहगहिओ जइ एत्तो नीहरेज जीवंतो । भुजो एवंविहदुन्नएसु ता नेव वट्टिस्सं || ९७।। अह मज्जणवेला वट्टइत्ति किंकरगणेण विन्नत्तो । आमंतिऊण इयरं समुट्ठिओ पुन्नसम्मोवि ।। ९८|| अब्भंगुव्वट्टणमज्जणाई कारावियाइ एयरूस । पढमं खु पुरोहियनंदणेण पच्छा सदेहस्स ।। ९९ ।। दाऊण चुक्खजुयलं विहिणा कयभेोयणाइकायन्वा । गमिऊण दि सुत्तारयणीए उचियसेज्जाए ||१०० ॥ अवराहित्ति ससको न लहइ निद्दं तहावि वेयरुई । अइतरलता रनयणो मग्गइ य विणिग्गमोवाए ॥। १०१ ।। णहि पत्तियंति पावा चलभावा सरलसजणापि । आयावराहभीया संकंति असंकपि ॥ १०२ ॥ इय सा मज्झिमरत्ते निग्गंतुमणा समुट्ठिओ सणियं । को य दिव्वजोग्गागएण सहसा भुयंगेण ।। १०३ ।। पुक्क रियं निसामिय आणावियदीवरण सच्चविओ । घोरो कसिणभुयंगो सपरिच्छ्यपुन्नसम्मेण ।। १०४ ।। वाहरिया सयराहं ताहे णयरी सिद्धगारुडिया । पकया य ते तिगिच्छं ससत्तिओ मंततंतेहि ।। १०५ ।। पेच्छंताण य तेसिं रुद्धा वाणी ठियं अचलमंगं । नवरं तु किंतु सच्चेपणाई मणसवणनयणाई || १०६ || ताहे पच्चक्खाओ विजेहिं किलेस कालदट्ठोत्ति । जाओ तओ निरासा वेयरुई पुण्णसम्मोवि ।। १०७ । एत्थंतरम्मि गुणसुंदरीए जलकरयव हत्था । सित्तो जलेण सहसा भणमाणीए इमं वयणं ।। १०८ ।। जइ ताव निकलंका विजइ मम सीलसंपया देहे । ता एसेा मम भाया होउ लहुं निव्विसा अज ।। १०९ ।। इय वारतियं सित्तो संजाओ निव्विसे खणद्वेण । विम्हियमणेण भणियं जणेण सी ं जए जयइ ।। ११० ।। मिलिओ णयरीलोओ जयहि महासइत्ति जंपतो । पकओ पूयं तीसे कुसुमंजलि अक्खयाईहि
।।६५७।।
