________________
॥६५॥
श
तणएण वेयसम्मस्स । बड़एण वेयरुइणा जोव्वणगुणरूवमत्तेण ।।२।। परिचिंतियं च धन्नो अज्जाहं जं पलोइया अजा । पउमव्व पउमपाणी अणमिसनयणा सुरवहुव्व ॥३। अविय । “पंकय पंकि वहोडिय कुवलय बुद्धदहि, बिंबबिंघाडि घल्लिय ससहरु खित्तु नहि । निम्मिवि करु णयणाऽहर मुह लीलावइहि, उचिट्ठी निय सिट्ठि विनाइ पयावइहि ।।४॥" तहा । कासकुसमंव मन्ने सनिष्फलं जम्मजीवियं निययं । जइ ता इमा मयच्छी न विसयलच्छीव मम गेहे ॥५।। इय विविहं झायंता मयणानलताविओ ठिओ एसो । जा नयणगोयराओ पत्ता अन्नत्थ सा मुद्धा ।।६ । नायाकूएहिं गिहं नीओ मित्तेहिं देहमित्तेण । मणभमरो पुण तीए मुहारविंदे चिय चहलो ।।७।। अवउज्झिय भायणमजणाइआवस्सओ मयणवसओ। मित्रोहिंता कहमवि विनाओ वेयसम्मेण ॥८॥ पुत्तसिणेहाइसया सय मेव पुरोहिओ पुणो तेण । कन्नं विमग्गिओ सो पडिवत्तिपुरोहियं बहु सो ॥९॥ सावस्थिपुरोहियनंदणस्स दिन्नत्ति तेण ना दिण्णा । उत्तमजणाण णणं नन्नहा हाइ पडिवन्नं ॥१०॥ रागग्गहेण नडिओ वियडमणो दुक्खसंक डावडिओ। णहु हाइ अवेयरुई वेयरुई तहवि तव्विसए ॥११॥ सच्चं वामो कामा जं जं अइदुल्लहं पराहीणं । वियरइ तत्थणुरायं साहीणे नायरं कुणइ ।।१२।। वम्महपित्तपलित्तो तो सो गुणसुंदरी निहियचित्तो। सिक्खइ मंतपयाई इच्छइ उवाइयसयाई ॥१३॥ नवरं ऊसरववियं बीयं व फलंति ताई नो तस्स । आरंभा पुनविवज्जियाण कत्तो फलं देंति ? ||१४।। परिणीया य कयाई सावत्थीआगएण सुमुहुत्ते । पुन्नाहिएण विहिणा सा बाला पुन्नसम्मेण ॥१५॥ घेत्तूण तं मच्छिं नियनयरि पडिगओ पुरोहसुओ। इयरो विसायविहुरो छोहियकियवोव्व संजाओ ।।१६।। वियलियकुलाभिमाणो विरलीकयदेवविप्पबहुमाणो। बट्टइ
॥६५॥
