________________
॥६३७॥
दुकरं च वयमेयं । जं वक्भंगो नरयस्स कारओं नियमओ भणिओ ॥१०६। वजरई तओ राया कि पुण वेरग्गकारणं तुज्झ । जेणेरिसमारद्ध मुद्ध! उग्गं तवोकम्मं? ॥१०७॥ सा भणइ मेइणीसर! सरीरमेवप्पणो महापावं । वेरग्गकारणं मे पायडदीसंतदोससयं ।।१०८॥ अविय । वसमंससुक्कसोणियमुत्तासुइसिंभपित्तपडिहत्थं । दारेहिं नवहिं एवं झरइ सया असुइनीसंदं ॥१०९॥ परिसीलियंपि मुहु मुहु धोवण-धूवण-विलेवणाईहिं । न मुयइ विगंधिभावं सुनियंसियभूसियमवीमं ॥११०॥ अंतो बहिं च जं जं भौगंगमिमस्स सुठ्ठ सुहगंधं । उवणिजइ णिज्जइ तं इमेण सहसा असुइभावं ॥१११।। अञ्चतं दुव्विसहो गंधो एयस्स खलसरीरस्स । कस्स न करेइ गरुयं वेरग्ग णणु सयण्णस्स? ॥११२॥ अन्नं च एस अन्नो दोसो एयस्स पावदेहस्स । इय निग्गुणेण इमिणा मोहिजइ जं गुणड्डोवि? ॥११३।। एवं विरागजणणि सोउं तद्देसणं मणागपि । न हि भाविओ नरिंदो घणंबुणा मुग्गसेलोव्व ॥११४॥ चिंतइ य अपरिकम्मा एसा अंगे विरागयं पत्ता। होही पुणोवि सत्था णूणं नियमे समत्तम्मि ॥११५॥ मा कुणसु सुयणु ! खेयं पुजउ नियमो सुहेण तुह एसो। इय जंपिऊण हसिरो तो राया पडिगओ तत्तो ।।११६।। अवहिम्मि पुणो पुन्ने वुत्ता भुत्तुत्तरे महिंदेण । उकंठिओम्हि सुंदरि! बाढं तुह संगमे अब्ज ॥११७॥ तो भणियं देवीए सच्चयमाहाणयं इमं जायं। इयरस्स मरणसमओ मग्गिजइ पंचहि सएहि ॥११८।। अज्ज मए बहुकाला परिभुत्तं निद्धमणहरं भत्तं । तेण सरीरे संपइ वट्टइ हबोहलो अउलो ॥११९।। फुडइ सिरं वियणाए अइरुंदा सूलवेयणा तुंदे । तुटुंतिव संधीबंधणाणि सव्वाणि समकालं ॥१२०॥ इयदा णं भणिरीए मयणहलमलक्खियं कयं वयणे । वमियं च तेण सहसा तक्खणभुत्तं सयलभत्तं ॥१२१।। भणियं च पेच्छ नरवइ ! एय
॥६३७।।
