________________
॥५८९॥
तिकट्ठ गेहाओ ताओ निक्खमइ । जेणेवुजाणं सूरिणो ये तेणेव पडिएइ ॥५५॥ तेसिं सूरीणमदूरदेस ट्ठियओ पडिक्कमइ इरियं । वियडेइ भत्तपाणं दंसेइ य करयले काउं॥५६॥ तस्सुग्गगंधपरवसघाणो मुणिणायगो विचितेइ । नूणं विसन्नमेयं न अन्नहा एरिसे गंधो ॥५७।। गेण्हित्तु करयले बिंदुमेगमित्तो निभालए जाव । ता तं तहच्चिय जओ धम्मरुइ भासिओ एवं ॥५८॥ जइ तं भुंजसि एयं तओ अकालेवि मरणमुवल भसि । ता गच्छ थंडिलं सुद्धमेयमेत्थं परिट्ठवसु ॥५९॥ अन्नं गवेस फासुयमहेसणिजं विसुद्धमाहारं । एवं भणिए गुरुणा धम्मरुई निग्गओ ताहे ॥६०॥ अविसन्नमणो दसदोसवजिए थंडिलम्मि गंतूणं। कयसयलदिसालोओ. पइक्खणल्लसियपरिणामो ॥६॥ जा तं परिढुवेई तग्गंधाओ वणंतरगयाओ। मिलिया पिवीलियाओ मरिउं च खणेण लग्गाओ ॥६२ । मा माझं पमायाओ एयासि एत्तियाण विणिवाओ। होउ, वरं ता भात्तुं सयमेव इमं समुचियंति ॥६३।। ठविउं सिद्ध सक्खित्तणेण अवराह वियडणं कुणइ । उच्चरियवओ परिसुद्धभावणो तमुव जित्ता ।।६४॥ तव्वेयणापरतो पंचनमोकारसारपरिणामो। मरिउं जाओ सवट्ठसिद्धणामे वरविमाणे ।।६५।। गुरुणावि चिराउ अणागयम्मि तम्मी मुणीण परिकहियं । गच्छह धम्मरुइस्सालहह पउत्ति समंताओ ॥६६॥ मग्गंतेहि लद्धो थंडिलभूमीए तेहिं मुयजीवो। आगम्म सूरिमूले निवेइयं जह गओ कालं ॥६७।। पुव्वगए उवओगं मुणिवइणो तक्खणेण गच्छंति । उवलद्धो नागसिरीकडुतुंबगदाणवुत्तंतो ॥६८॥ एवंविहो पमाओ चेइयजइघायगो समत्थाणं। णोवेक्खिउं समुचिओ समाणदोसप्पसंगाओ ॥६९।। एवं मणे विमंसिय सव्वो सहाविओ समणसंघो। कहिओ जहेस साहू धम्मरुइ अज्ज कालगओ ॥७०॥ एयारिसेण विहिणा नागसिरीए न सुंदरं
॥५८९।।
