________________
श्रीउपदे-
शपदे
६ स्वप्तनिदर्शनम.
॥५२॥
न एसो सुविणो, अवियाणगा एए ॥६९।। अह उग्गयम्मि रविमंडलम्मि काउं पभायकिच्चाई। कुसमभरियंजली सो पत्तो सुविणन्नुयसयासे ॥७॥ परिपूजियतच्चरणो काऊण पयाहिणं पणयमउली। बद्धजली निवेएई चंदपाणं सुविणयम्मि ॥७१।। तो सुविणपाढएणं रज्जफलं निच्छिऊण तं सुविणं । लायण्णामयपुण्णं कन्नं परिणाविओ पढम ॥७२।। एसो ते रज्जफलो सत्तदिणभंतरे धुवं सुविणो । एवं ति मउलियंजलिपुडेण पडिवष्णमेएण ||७३।। पत्तो कमेण विनायडम्मि परिचितियं तओ तेण । अचंतनिधणो हं भमामि कह नयरमज्झम्मि ॥७४॥ तो रयणीए ईसरगिहम्मि एगम्मि खणियखत्तो सो। आरक्खिएहिं गहिओ बद्धो य नीओ य करणम्मि ।।७५।। चौरस्स वहो दंडो त्ति नीइसत्थं सरंतओऽमच्चो । तं वज्झमाणवेई निज्जइ जा वज्झभूमीए ।।७६।। ता चितेइ किमयं सत्वं पुबुत्तमलिय गं हाही ?। त-सेवुदयागयोढपुण्णवसओ पुरे तत्तो ।।७७।। उग्गाढसूलवियणो विहूरसरी। अपुत्तओ मरइ । नरनाहा दिव्वाइं अहिवासिज्जंति तो पंच ।।७८।। तंबेरमो तुरंगो छत्तं चामरजुगं च तह कलसा । तो देवयाउ लहु ओयरंति एएस रज्जस्स ।।७९।। मग्गिज्जइ नररयणं जोग्गं रज्जस्स चच्चराईस । दिव्वेहि तेहि नयरीइ सव्वओ हिंडमाणेहि ।।८।। दिट्रो य खरारूढो छित्तरछत्तो सरावमालगलो। रत्तंदणकयराओ मसिमुद्दयमुद्दियसरीरो ।।८।। समुहमेता सेो मूलदेवतेणो तओ गइंदेण। पारद्धा गलगजी हएण हेसारवो गरुओ ॥८२।। घेत्त ण करी कलसं अहिसिंचिय नेइ निययखंधम्मि। ढलियाउ चामराओ छत्तं उवरिट्टियं झत्ति ॥८३।। पूरियसयलनहंगणमग्गं ताहे पवाइयं तूरं । अइमुहला जयसद्दी पओजिओ बंदिविदेहि ।।८४।। पत्तो रायसहाए मुत्तामणिमंडिए चउक्कम्मि । सीहासणोवरिगओ .पणआ सामंतचक्केण ॥८५।। जाओ महान
।।५
।।
